Юридик шахслардан олинадиган ер солиғини ким тўлайди

Тавсияда:

– ер солиғи тўловчилари;
– солиқ имтиёзлари;
– ер солиғини тўлаш бўйича мажбуриятнинг вужудга келиши.

Юридик шахслар ер участкаларига қуйидаги ҳуқуқлар билан эгалик қилишлари мумкин:

• хусусий мулк ҳуқуқи ;
• доимий фойдаланиш ҳуқуқи ;
• ижара асосида .

Ер участкаси хусусий мулкчиликда, эгалигида ёки фойдаланишида бўлса, ер солиғи тўланади. Ер участкаси ижарага олинганда ундан фойдаланиш учун ер солиғига тенглаштириладиган ижара тўлови тўланади .

Эътибор беринг

Ер участкалари туман (шаҳар) ҳокими билан тузилган шартнома асосида ижарага берилади. Ер участкаларини ижарага олган юридик шахсларга юридик шахслардан олинадиган ер солиғини тўловчилар учун белгиланган солиқ ставкалари, солиқ имтиёзлари, солиқни ҳисоблаб чиқариш, солиқ ҳисоботини тақдим этиш ва солиқни тўлаш тартиби татбиқ этилади .

Ер солиғини ким тўлаши керак

Мулк ҳуқуқи, эгалик қилиш, фойдаланиш ёки ижара ҳуқуқлари асосида ер участкаларига эга бўлган юридик шахслар ер солиғи тўловчилари ҳисобланади