Онлайн-НКТда товарнинг қайтарилишини қандай расмийлаштириш керак

Тавсияда:

– товарнинг қайтарилиши қандай ҳужжатлар билан расмийлаштирилади;
– товарнинг қайтарилиши айланмадан олинадиган солиқ ва ҚҚС бўйича ҳисоботларда қандай акс эттирилиши керак;
– қайтариш чекини қандай қилиб тўғри расмийлаштириш керак;
– қайтариш чекига сотиш чекини бириктириш усуллари:
   my.soliq.uz сайтидаги шахсий кабинетда қўлда киритиш орқали;
   сотиш чекининг QR-кодини сканерлаш йўли билан;
– товар онлайн-НКТга ўтилгунига қадар сотилган бўлса, уни қандай расмийлаштириш керак;
– товар қисман қайтарилганда уни расмийлаштиришнинг ўзига хос жиҳатлари.

Товарни қайтариш Аҳоли билан пуллик ҳисоб-китобларни амалга оширишда онлайн-НКМ тизимини қўллаш тартиби тўғрисидаги низомнинг 6-бобига мувофиқ амалга оширилади . Қайтариш чеки шакллантирилишига эътиборингизни қаратинг. Унга мажбурий равишда сотиш чеки боғланган бўлиши керак, акс ҳолда операция солиқ органлари томонидан маъқулланмайди ва қайтариш солиқ бўйича ҳисоботда акс эттирилмайди.

Электрон тўлов тизимлари ва маркетплейслар орқали ўтказилган тўловлар қайтарилишининг ўзига хос жиҳатлари ҳақида қуйидаги тавсияда ўқинг: «Тўлов тизимлари ва маркетплейслар чекларининг солиқ қонунчилигига мувофиқлигини қандай таъминлаш мумкин».

Товарнинг қайтарилиши қандай ҳужжатлар билан расмийлаштирилади

Товарни қайтаришда харидордан савдо шохобчаси раҳбарининг номига ёзма ариза олинг. Унда қуйидагилар кўрсатилган бўлишини тавсия қиламиз:

• харидорнинг Ф. И. Ш. ва паспорт маълумотлари;
• товар қайтарилишининг сабаби;
• товарни алмаштиришнинг иложи йўқлигининг сабаблари;
• товар учун тўланган суммани қайтариш тўғрисида талабнома;
• банк картаси маълумотлари, агар пул унга қайтарилса.

Товарни харидордан қабул қилиш чоғида қуйидаги ҳужжатларни расмийлаштиринг