Онлайн-НКТда товарнинг қайтарилишини қандай расмийлаштириш керак

Тавсияда:

– товар қайтарилганда расмийлаштириладиган ҳужжатлар;
– қайтаришни айланмадан олинадиган солиқ ва ҚҚС бўйича ҳисоботларда акс эттириш;
– қайтариш чекини расмийлаштириш;
– қайтариш чекига сотиш чекини бириктириш усуллари:
   my3.soliq.uz сайтидаги шахсий кабинетда қўлда киритиш;
   сотиш чекининг QR-кодини сканерлаш йўли билан;
– товар қисман қайтарилганда уни расмийлаштиришнинг ўзига хос жиҳатлари.

Товарни қайтариш Аҳоли билан пуллик ҳисоб-китобларни амалга оширишда онлайн-НКМ тизимини қўллаш тартиби тўғрисидаги низомнинг 6-бобига мувофиқ амалга оширилади . Қайтариш чеки шакллантирилишига эътиборингизни қаратинг. Унга мажбурий равишда сотиш чеки боғланган бўлиши керак, акс ҳолда операция солиқ органлари томонидан маъқулланмайди ва қайтариш солиқ бўйича ҳисоботда акс эттирилмайди.

Товарнинг қайтарилиши қандай ҳужжатлар билан расмийлаштирилади

Товарни қайтаришда харидордан савдо шохобчаси раҳбарининг номига ёзма ариза олинг. Унда қуйидагилар кўрсатилган бўлишини тавсия қиламиз:

• харидорнинг Ф. И. Ш. ва паспорт маълумотлари;
• товар қайтарилишининг сабаби;
• товарни алмаштиришнинг иложи йўқлигининг сабаблари;
• товар учун тўланган суммани қайтариш тўғрисида талабнома;
• банк картаси маълумотлари, агар пул унга...