Иш ҳақи қандай тўланиши керак

Тавсияда:

– иш ҳақи тўланадиган валюта;
– иш ҳақини тўлаш муддатлари;
– иш ҳақи ва бошқа тўловларни кечиктирганлиги учун фоизлар (компенсация)  тўлов;
– бўнакнинг тўланиши;
– иш ҳақини бериш кунлари белгилаш;
– ойлик иш ҳақининг шакллари ;
– иш ҳақининг берилиши;
– иш ҳақини  пластик карталарга ўтказилиши;
– берилмаган иш ҳақини депонентга ўтказиш;
– ҳисоб-китоб варақасини тузиш.

Иш ҳақини қандай валютада тўлаш керак

Иш ҳақи миллий валюта – сўмда тўланади, қонунчиликда назарда тутилган ҳоллар бундан мустасно . Иш ҳақини қарз мажбуриятлари, тилхатлар, купонлар тарзида тўлаш тақиқланади.

Иш ҳақини чет эл валютасида тўлаш Ўзбекистон ҳудудида рухсат берилган ҳисоб-китоблар рўйхатига кирмайди  .

Мисол учун, иш ҳақи чет эл валютасида қуйидагиларга хорижий счётларига маблағларни ўтказиш йўли билан тўланиши мумкин:

• «LG CNS Uzbekistan» ҚКга ишга жалб этилган хорижий жисмоний шахсларга ;

• Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация марказининг чет эллик ходимларига .