Саволларингизга жавобларни Buxgalter Pro да топасиз:
«Корхона 2023–2024 йилларда бино қуришни бошлади, қурилиш компаниясидан сўнгги ЭҲФ 2024 йил сентябрь ойида олинган. Кадастр ҳали олинмагани учун бино бухгалтерия ҳисобида тугалланмаган қурилиш сифатида акс эттирилди, аммо у аллақачон фойдаланишда. Кадастр ҳали тайёр бўлмаса, корхона мол-мулк солиғини тўлаши керакми?»
Обуначининг илтимосига биноан саволга «Норма» эксперти, «Жавоб берамиз!» сервиси мутахассиси Дилором САИДОВА жавоб берди:
«Жавоб берамиз!»нинг барча тайёр жавоблар базасини кўриш ва экспертларга ўз саволларингизни юбориш имкониятига эга бўлиш учун Buxgalter Proга уланинг.
– Юридик шахсларнинг мол-мулкига солинадиган солиқ солиш объекти кўчмас мулк ҳисобланади 
. Унга, хусусан, қуйидагилар киради :
1) кўчмас мулкка бўлган ҳуқуқларни давлат рўйхатидан ўтказувчи органларда рўйхатдан ўтказилиши лозим бўлган бинолар ва иншоотлар;
2) қурилиши тугалланмаган объектлар –лойиҳа-смета ҳужжатларида белгиланган норматив муддатда қурилиши тугалланмаган объектлар. Агар қурилишнинг норматив муддати белгиланмаган бўлса, объектнинг қурилишига ваколатли бўлган органнинг рухсатномаси олинган ойдан эътиборан 24 ой ичида қурилиши тугалланмаган объектлар.
Қурилиши (реконструкция қилиниши) тугалланган биноларни ва иншоотларни фойдаланиш учун қабул қилиш далолатномаси ёки улардан фойдаланиш учун рухсатнома биноларга ва иншоотларга бўлган мулк ҳуқуқини давлат рўйхатидан ўтказиш учун асос бўлади .
Кўчмас мулкка бўлган ҳуқуқларни давлат рўйхатидан ўтказиш учун ҳужжатлар рўйхатдан ўтказувчи органга, шу жумладан воситачилар орқали ахборот-коммуникация тизимларидан фойдаланилган ҳолда берилади .
Кўчмас мулкка бўлган ҳуқуқларни давлат рўйхатидан ўтказишга доир ҳаракатлар тегишли ҳужжатлар рўйхатдан ўтказувчи органга келиб тушган кундан эътиборан икки иш куни ичида амалга оширилади. Тақдим этилган ҳужжатларда бартараф этилиши мумкин бўлган ёки қўшимча ҳужжатларни талаб этадиган камчиликлар мавжуд бўлганда, кўчмас мулкка бўлган ҳуқуқларни давлат рўйхатидан ўтказиш уч иш кунига тўхтатиб турилиши мумкин .
Юридик шахсларнинг мол-мулкига солинадиган солиқ бўйича бўнак тўловларини ҳисоблаш тўғрисидаги маълумотнома ва Мол-мулк солиғи ҳисоб-китоби my3.soliq.uz сайтида кадастр маълумотлари ёки «Алоҳида солиқ ставкаси қўлланиладиган кўчмас мулк объектлари ва ер участкалари» хизмати орқали автоматик тўлдирилади.
Агар бино СКга мувофиқ тугалланмаган қурилишга тегишли бўлмаса, кадастрни расмийлаштирмагунча корхона техник жиҳатдан Маълумотнома ва Ҳисоб-китобни тақдим эта олмайди. Лекин корхона кадастрни расмийлаштирмасдан бинодан фойдаланаётгани фактини ҳисобга олган ҳолда, корхона фаолияти текширилганда мол-мулк солиғи қўшимча ҳисобланиши эҳтимоли мавжуд.
Buxgalter.uz тавсия қилади:
