12 май

• Қуйидаги ҳуқуқлар учун 2026 йил май ойи учун йиғимларни тўлаш (СК 460-м. 6-қ.):

– чакана савдо ва умумий овқатланиш корхоналари томонидан алкоголли маҳсулотларни сотиш;

– пиво ва пиво ичимликлари чакана савдоси;

– тамаки маҳсулотлари чакана савдоси.

• 2026 йил апрель ойи учун акциз солиғи ҳисоботини тақдим этиш ва тўлаш (СК 292–293-м.);

• Қимматли қоғозлар Марказий депозитарийси ва инвестиция воситачилари томонидан 2026 йил апрель ойи учун рўйхатга олинган акциялар билан боғлиқ битимлар тўғрисидаги маълумотларни тақдим этиш (СК 133-м. 12-қ.);

• айланмадан олинадиган солиқни тўламайдиган солиқ тўловчилар томонидан 2026 йил май ойи учун мол-мулк солиғи бўйича бўнак тўловларини йиллик солиқ суммасининг 1/12 қисми миқдорида тўлаш (СК 417-м. 6-қ.).

Айланмадан олинадиган солиқ тўловчилар мол-мулк солиғи бўйича бўнак тўловларини ҳар чорак учинчи ойининг 20-кунидан кечиктирмай йиллик солиқ суммасининг 1/4 қисми миқдорида тўлайдилар;

• айланмадан олинадиган солиқни тўламайдиган солиқ тўловчилар томонидан 2026 йил май ойи учун қишлоқ хўжалигига мўлжалланмаган ерлар учун ер солиғи йиллик солиқ суммасининг 1/12 қисми миқдорида тўланиши (СК 432-м. 1-қ.).

Айланмадан солиқ тўловчилар қишлоқ хўжалигига мўлжалланмаган ерлар учун солиқни ҳар чорак учинчи ойининг 20-кунидан кечиктирмай йиллик солиқ суммасининг 1/4 қисми миқдорида тўлайдилар.

• 16 ёшгача бўлган ногиронлиги бўлган боланинг ота-онасидан бирига қўшимча дам олиш кунини тўлаш бўйича юридик шахснинг харажатларини қоплаш учун 2026 йил апрель ойида Пенсия жамғармасидан маблағ (нафақа) олиш учун ариза тақдим этиш (14.12.2023 й. 661-сон ВМҚга 1-илова 45-46-б.).