2022 йил учун давлат мулкидан фойдаланганлик учун энг кам ижара ставкалари

Давлат активларини бошқариш агентлиги ҳудудлар бўйича 2022 йил учун давлат кўчмас мулкидан фойдаланганлик учун ижара тўловининг энг кам ставкаларини эълон қилди.

Ҳудудлар ҳокимлари қарорларини қуйидаги ҳаволалар бўйича юклаб олиш мумкин:

 Давлат мулки ижарасининг энг кам ставкалари бинолар ва иншоотлар бўйича ижара тўловининг таянч ставкасини ҳисоблаб чиқиш учун қуйидаги формула бўйича фойдаланилади:

Тс = Эс х Кз х (Кқ + Кҳ + Ко), бунда:

• Тс - 1 йилга 1 кв. метр учун ижара тўловининг таянч ставкаси;
• Эс - 2022 йилга 1 кв. метр учун энг кам ставка;
• Кз - худудий зоналар коэффициенти;
• Кқ - қурилиш тури бўйича коэффициент (алоҳида турган бино, қўшимча қурилган бино, бинонинг юқори (том) қисми, чердак, болохона, ярим ертўла, ертўла);
• Кх - туташиб кетган ҳудуддан фойдаланиш коэффициенти;
• Ко - ижара мақсадларида фойдаланишда қулайлик коэффициенти (асосий автотранспорт йўллари бўйлаб жойлашган ҳамда иккинчи даражали автотранспорт йўлларига чиқишда жойлашган мулк ва бошқалар).

Коэффициентлар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланади.

Манбага қаранг.

Фойдали тавсиялар бу ерда:

• Солиқ агенти томонидан давлат мол-мулки билан боғлиқ операциялар бўйича ҚҚС ҳисобланиши тартиби;
• Солиқ солиш мақсадларида қайси мулкий даромадлар жами даромадга киритилади.
• Ким юридик шахслардан олинадиган ер солиғини тўлайди;

Саида ЖОНИЗОҚОВА тайёрлади