Декабрь ойидаги бухгалтер учун фойдали ахборот:
21 февраль куни Президент томонидан “Ўзбекистон – 2030” стратегиясини “Ёшлар ва бизнесни қўллаб-қувватлаш йили”да амалга оширишга оид давлат дастури тўғрисида”ги Фармон имзоланди. Шарҳимизда – айрим товарлар импорти бўйича имтиёзнинг узайтирилиши ва бизнес учун янги преференциялар ҳақида.
Телеграм-каналида бизнинг материалларимизни кузатиб боринг.
Президентнинг 2021 йил 20 октябрдаги ПҚ-5262-сон қарорида назарда тутилган рўйхат бўйича товарларга импорт божхона божининг ноль ставкасини қўллаш муддати 2027 йил 1 январга қадар узайтирилади. Ушбу рўйхатда – хом ашё ва ярим тайёр маҳсулотларнинг 82 та позицияси (елимлар, матолар, бўёвчи моддалар, каустик сода ва бошқалар) мавжуд.
Давлат активларини бошқариш агентлигига қуйидагилар топширилди:
- 3 ойдан ортиқ муддат мобайнида очиқ савдоларда сотилмаган давлат активларининг бошланғич баҳосини босқичма-босқич пасайтириш. Нарх 50 фоизгача пасайтирилиши мумкин;
- ер участкалари 6 ой давомида сотилмаганда – улар учун бўлиб тўлаш имкониятини яратиш. Айнан: тўловнинг 15 фоизини 3 ой муддатда, қолган қисмини – 10 йил муддатда.
2024 йил 1 июлдан бошлаб нуфузли халқаро брендлар билан ишлаб чиқаришни бошлаётган корхоналарга:
- халқаро стандартларни жорий этиш ва экологик сертификатлаш харажатлари қоплаб берилади;
- нуфузли халқаро брендлар остида ишлаб чиқариладиган маҳсулотлар учун зарур бўлган барча хом ашёлар маҳаллийлаштириш даражасини камида 60 фоизга етказиш шарти билан божхона божидан озод этилади;
- нуфузли халқаро брендлардан жалб қилинган технолог, дизайнер, маркетолог каби мутахассислардан Ўзбекистон ҳудудида меҳнат фаолиятини амалга ошириш ҳуқуқини берувчи тасдиқнома берилганлиги учун тўлов бекор қилинади.
1 майдан бошлаб тадбиркорлик субъектлари ва фуқаролар учун янги мажбурий тўловлар ва йиғимлар фақатгина қонунда белгиланади.
Бундан ташқари, давлат дастурида “Автомобилсиз кун” жамоатчилик лойиҳасини амалга ошириш назарда тутилган. У Тошкент шаҳрида ҳар ойнинг 1 иш куни давомида автомобиллар ҳаракатланишини қисқартиришга қаратилган. Лойиҳа экологияга автомобиллар чиқинди газларининг зарарли таъсирини камайтиришга қаратилган.
