Вам могут понадобиться в апреле:
“Ташкилот халқаро юк ташиш билан шуғулланади. Автомобилларга Ўзбекистондан ташқарида чет эл юридик шахсига тегишли автомобилларга ёқилғи қуйиш шохобчаларида ёқилғи қуйилади, у билан бу ҳақда шартнома тузилган. Чет эл юридик шахси Эстонияда солиқ резидентлиги ҳақида сертификат тақдим этди. Бизнинг ташкилотимиз Эстония давлати билан тузилган Иккиёқлама солиқ солишнинг олдини олиш тўғрисидаги конвенция асосида акциз солиғини тўламайди. Ўзбекистондан ташқарида ёқилғи сотиб олишда акциз солиғини тўламаган ҳолда биз тўғри йўл тутаяпмизми?”.
Саволга “Норма” экспертлари, солиқ маслаҳатчилари Татьяна БЕЛОУСОВА ва Дилором САИДОВА жавоб беришди:
Эътибор беринг
Муҳим тушунтиришлардан ҳеч бирини ўтказиб юбормаслик учун бизнинг ТГ-каналимизга обуна бўлинг!
– Конвенциянинг қоидалари акциз солиғига нисбатан татбиқ этилмайди 
.
Ўзбекистоннинг божхона ҳудуди орқали акциз тўланадиган товарларни олиб ўтувчилар акциз солиғини тўловчилар деб эътироф этилади . Улар божхона қонунчилигига мувофиқ солиқ тўловчилар деб эътироф этилади.
Акциз солиғи солинадиган объектлар қуйидагилардан иборат :
- акциз тўланадиган товарлардан ўз эҳтиёжлари учун фойдаланиш;
- акциз тўланадиган товарларни Ўзбекистоннинг божхона ҳудудига олиб кириш;
- бензинни, дизель ёқилғисини ва газни якуний истеъмолчиларга реализация қилиш ёки улардан ўз эҳтиёжлари учун фойдаланиш.
СКнинг 289-3-моддаси 1-қисми 4-бандида назарда тутилган олиб кирилган (импорт қилинган) акциз тўланадиган товарлар ўз эҳтиёжлари учун ишлатилганда, солиқ тўловчилар бўлиб ушбу товарларни ўз эҳтиёжлари учун олиб киришни амалга оширган шахслар эътироф этилади .
Кўриб чиқилаётган вазиятда:
Халқаро юк ташиш билан шуғулланувчи корхона ўз эҳтиёжи учун Ўзбекистон Республикаси ташқарисида сотиб олиб, сарфлаган ёқилғи бўйича акциз солиғи тўловчиси ҳисобланмайди ва унда солиқ солиш объекти юзага келмайди.
Агарда ёқилғи Ўзбекистонга олиб кирилса ва ўз эҳтиёжлари учун ишлатилса, у акциз солиғи солиш объектига айланади.
Агар корхона чет эл юридик шахси билан Ўзбекистондан ташқарида ёқилғи сотиб олишга доир шартнома тузса ва у ёқилғи қуйишдан ташқари қўшимча хизматлар кўрсатиш шартларини ўз ичига олмаса, хизматлар импорти юзага келмайди, сабаби корхона шартнома бўйича ҳақиқатда фақат товарни (ёқилғини) сотиб олади. Ўзбекистон ёқилғини реализация қилиш жойи ҳисобланмайди, уни сотиб олиш ҚҚС ва норезидентнинг даромадларидан олинадиган солиқ бўйича солиқ оқибатларига эга бўлмайди .
