2024 йилнинг I чораги учун ким статистика ҳисоботини топшириши керак

Статистика агентлиги бугунги кун ҳолатига 2024 йилнинг I чораги учун 4-kb savolnoma, 4-kb qurilish, savdo, xizmat ва 4-kb sanoat  шакллари бўйича  танланма кузатувдан ўтказиладиган кичик корхоналар ва микрофирмаларнинг  рўйхатларини эълон қилди.

Рўйхатларни юклаб олиш:

• 4-kb savolnoma 
• 4-kb qurilish, savdo, xizmat
• 4-kb (sanoat)

Қандай қилиб дастурга кириш ва керакли шаклни тўлдириш мумкин

Ҳавола бўйича ЭРИ ёрдамида паролни кўрсатган ҳолда eStat 4.0. дастурига киринг. Сизнинг ташкилотингиз номи ва унинг реквизитлари – КТУТ, СТИР билан ойна очилади.

Ташкилотингиз номига босинг ва сиз шахсий кабинетга тушасиз. Унинг ўнг қисмида тугмалар - сизнинг статистика ҳисоботларингизнинг “ҳолати” (жўнатилганлар, рад этилганлар, қабул қилинганлар) ва статистика органлари ваколатли вакилларининг хабарномалари акс эттирилади.

Экраннинг чап қисмида таклиф этилган рўйхатдан:

• агар 4-kb savolnoma шаклини тўлдириш ва жўнатиш керак бўлса –  “Кичик бизнес ва тадбиркорлик” қўшимча саҳифасини;
• агар 4-kb qurilish, savdo, xizmat шаклини тўлдириш ва жўнатиш керак бўлса – “Хизматлар” қўшимча саҳифасини;
• агар 4-kb sanoat шаклини тўлдириш ва жўнатиш керак бўлса – “Хизматлар” қўшимча саҳифасини танланг.

Кейин керакли шаклни танланг ва “Жўнатиш” тугмасига босинг. Хавотирланманг, сизда шакл дарҳол жўнатилмайди, у шунчаки тўлдириш учун очилади. 

Шаклнинг барча зарур бўлимларини кўрсаткичлар (статистика ҳисоботининг юқори панели) билан тўлдиргач, яна “Жўнатиш” тугмасига босинг.

Шунингдек, тўлдиришда йўл-йўриқлар – шакл бўлимларининг жадвал қисми остидаги шаклнинг у ёки бошқа бўлимида айнан қайси кўрсаткичларни акс эттириш зарурлиги тўғрисида изоҳларга эътибор беринг.

Ҳисоботнинг барча зарур бобларини (бўлимларини) тўлдиргач, “Якуний қисм”га ўтинг. Агар дастурнинг йўл қўйиладиган мантиқий назорати мантиқий хатоларни топган бўлса, уларни “Изоҳ”да тушунтириб беринг ва фақат шундан кейингина “Жўнатиш” тугмасига босинг.

Ҳисобот шакли жўнатилгунга қадар “Қоралама” жилдида жойлаштирилади. Жўнатилганидан сўнг ишлов берилишига қараб – “Жўнатилган ҳисоботлар”, “Ишлов бериш жараёнида”, “Қабул қилинган ҳисоботлар” ёки “Рад этилган ҳисоботлар” жилдига жойлаштирилади.

Тўлдирилган шакл қандай юкланади

Тўлдирилган шаклни Excelга юклаш учун қандай шаклни тўлдирганингизга қараб “Кичик бизнес ва тадбиркорлик”, “Хизматлар” ёки “Саноат” каталогига ўтинг.

Сизда ўнг ойнада мазкур бўлимнинг ҳисоботлари рўйхати очилади, юқорида иккита “Ҳисобот турлари” ва “Жўнатилган ҳисоботлар” қўшимча ҳаволалари бўлади. “Жўнатилган ҳисоботлар” қўшимча ҳаволасига босинг.

Excel файлини юклаш имконияти билан ҳисоботларингиз рўйхати очилади.

Шахсий кабинетдан чиқиш учун унинг чап қисми юқорисида ўзингизнинг ташкилотингиз номига  ва кейин – “Чиқиш” тугмасига босинг.