Ўзбекистон Республикаси Олии Мажлисининг 25.05.2000 й. 70-II-сон "Тадбиркорлик фаолияти эркинлигининг кафолатлари тўғрисида"ги Ўзбекистон Республикаси Қонунини амалга киритиш ҳақида"ги Қарори

ЎЗБЕКИСТОН РЕСПУБЛИКАСИ

ОЛИИ МАЖЛИСИНИНГ

ҚАРОРИ

25.05.2000 й.

N 70-II

"ТАДБИРКОРЛИК ФАОЛИЯТИ ЭРКИНЛИГИНИНГ

КАФОЛАТЛАРИ ТЎҒРИСИДА"ГИ ЎЗБЕКИСТОН

РЕСПУБЛИКАСИ ҚОНУНИНИ АМАЛГА

КИРИТИШ ҲАҚИДА

Ўзбекистон Республикаси Олий Мажлиси ҚАРОР ҚИЛАДИ:

1. "Тадбиркорлик фаолияти эркинлигининг кафолатлари тўғрисида"ги Ўзбекистон Республикаси Қонуни матбуотда эълон қилинган кундан эътиборан амалга киритилсин.

2. Ўзбекистон Республикаси Вазирлар Маҳкамаси Ҳукумат қарорларини "Тадбиркорлик фаолияти эркинлигининг кафолатлари тўғрисида"ги Ўзбекистон Республикаси Қонунига мувофиқлаштирсин, вазирликлар ҳамда идоралар мазкур Қонунга зид бўлган ўз норматив ҳужжатларини қайта кўриб чиқишлари ва бекор қилишларини таъминласин.

3. Қуйидагилар ўз кучини йўқотган деб ҳисоблансин;

1995 йил 21 декабрда қабул қилинган "Кичик ва хусусий тадбиркорликни ривожлантиришни рағбатлантириш тўғрисида"ги Ўзбекистон Республикасининг Қонуни (Ўзбекистон Республикаси Олий Мажлисининг Ахборотномаси, 1995 йил, N 12, 252-модда);

"Кичик ва хусусий тадбиркорликни ривожлантиришни рағбатлантириш тўғрисида"ги Ўзбекистон Республикаси Қонунини амалга киритиш ҳақида"ги Ўзбекистон Республикаси Олий Мажлисининг 1995 йил 21 декабрда қабул қилинган Қарори (Ўзбекистон Республикаси Олий Мажлисининг Ахборотномаси, 1995 йил, N 12, 253-модда);

1998 йил 29 августда қабул қилинган "Ўзбекистон Республикасининг айрим қонун ҳужжатларига ўзгартишлар ва қўшимчалар киритиш ҳақида"ги Ўзбекистон Республикаси Қонунининг (Ўзбекистон Республикаси Олий Мажлисининг Ахборотномаси, 1998 йил, N 9, 181-модда) XIII бўлими;

1999 йил 14 апрелда қабул қилинган "Тадбиркорлик ва тадбиркорлар фаолиятининг кафолатлари тўғрисида"ги Ўзбекистон Республикасининг Қонуни Ўзбекистон Республикаси Олий Мажлисининг Ахборотномаси, 1999 йил, N 5, 106-модда);

"Тадбиркорлик ва тадбиркорлар фаолиятининг кафолатлари тўғрисида"ги Ўзбекистон Республикаси Қонунини амалга киритиш ҳақида"ги Ўзбекистон Республикаси Олий Мажлисининг 1999 йил 14 апрелда қабул қилинган Қарори (Ўзбекистон Республикаси Олий Мажлисининг Ахборотномаси, 1999 йил, N 5, 107-модда);

1999 йил 15 апрелда қабул қилинган "Ўзбекистон Республикасининг айрим қонун ҳужжатларига ўзгартишлар ва қўшимчалар киритиш тўғрисида"ги Ўзбекистон Республикасининг Қонунининг (Ўзбекистон Республикаси Олий Мажлисининг Ахборотномаси, 1999 йил, N5, 124-модда) XI бўлими.

Ўзбекистон Республикаси

Олий МажлисинингРаиси                                                         Э. Халилов