Yillik inventarizatsiya – 2026: tartib va hujjatlar
Markaziy bank va VISA xalqaro toʻlov texnologiyalari kompaniyasi ushbu sohada Oʻzaro anglashuv va hamkorlik memorandumini imzoladilar, deya xabar berdi MB oʻzining Telegram-kanalida.
Ular yangi raqamli mahsulotlarni joriy etish yoʻli bilan elektron toʻlovlar tarmogʻini kengaytiradilar, shuningdek, bunday toʻlov tizimini rivojlantirishga qaratilgan me’yoriy hujjatlarni ishlab chiqishda hamkorlik qiladilar.
Tomonlar butun mamlakat boʻylab kartalarni qabul qilishni kengaytirish va elektron tijoratni rivojlantirish dasturlarini banklar va savdo sub’yektlariga risklarni boshqarishning ishonchli vositalarini taqdim etish orqali amalga oshirishga kelishib oldilar.
Hamkorlar mahalliy banklar bilan mobil va elektron toʻlovlar xavfsizligini ta’minlash uchun karta hisob raqamlarini tokenlashtirishni* joriy etish, shuningdek, xatarlar va firibgarlik operatsiyalari boʻyicha ma’lumotlar almashish boʻyicha ish olib borishni rejalashtirmoqdalar.
___________________
* ma’lumotlarning maxfiy elementini token deb nomlanadigan, tashqi yoki ichki foydalanish uchun mustaqil ma’noga/ahamiyatga ega boʻlmagan maxfiy boʻlmagan elementga almashtirish jarayoni.