9 oyni xatolarsiz yopamiz:
Siz oʻz imtiyozlaringizni 2019 yilda toʻgʻri hisobga oldingizmi? 17 dekabr kuni «Norma» kompaniyasi mahsulotlari foydalanuvchilari uchun bepul vebinar oʻtkaziladi. Sizning savollaringizga ekspertlar xizmati rahbari, soliq maslahatchisi Tatyana BELOUSOVA javob beradi.
- Tatyana Borisovna, sizning vebinaringizda soʻz nima xususida boradi?
- Yilning oxiri yaqinlashmoqda, buxgalterlar ular yil davomida hisobni qanchalik toʻgʻri yuritganliklarini tekshirib olishlari lozim. Bu ish yoʻnalishlaridan biri – hisobda soliq va bojxona imtiyozlarini aks ettirish. Vebinarda buni qanday qilib toʻgʻri bajarish va yoʻl qoʻyilgan xatolarni tuzatish haqida gaplashamiz. U ham tajribali buxgalterlarga, ham amaliyotda endigina ushbu masalalarga duch keladiganlarga foydali boʻladi.
- Siz ishtirokchilar e’tiborini qaysi jihatlarga qaratishni xohlaysiz?
- 2019 yilda talay korxonalar QQSga oʻtishdi, foyda, yer, suv va mol-mulk soliqlarini toʻlay boshlashdi. Har bir soliq boʻyicha korxonalarning muayyan guruhiga imtiyozlar taqdim etiladi va buxgalterlar har doim ham ularni hisobda qanday aks ettirishni tushunishmaydi. Imtiyozlar – har xil, biroq ularni buxgalteriya hisobida aks ettirish uslubi – bitta. Vebinarda biz uni koʻrib chiqamiz.
- Ba’zi tinglovchilar oʻz harakatlari toʻgʻriligi tasdigʻini olishni xohlaydilar. Siz har biriga javob bera olasizmi?
- Savollarning koʻp boʻlishi kutilmoqda. Har bir aniq vaziyatni sharhlash uchun imtiyoz taqdim etilgan hujjatni oʻqish va uning mohiyatini tushunib yetish kerak. Shu bois, biz vebinar chogʻida va undan keyin tushgan savollarni tahlil qilamiz, ularni umumlashtiramiz va tavsiyalar ishlab chiqamiz. Ularning barchasi buxgalter.uz da e’lon qilinadi.
Havola boʻyicha oʻtib, vebinarga yoziling.
