15 FEVRAL

preview

2019 yil uchun*:

2019 yil uchun yillik moliyaviy hisobotni taqdim etishning soʻnggi kuni**

(AV tomonidan 3.07.2000 yilda 942-son bilan roʻyxatdan oʻtkazilgan Choraklik va yillik moliyaviy hisobotlarni taqdim etish muddatlari toʻgʻrisidagi nizomning 4-bandi)

2019 yil dekabr oyi uchun JShDS va YaIT hisob-kitobini taqdim etish va toʻlov toʻlashning soʻnggi kuni**

(Soliq kodeksi, 389-modda, 1-qism, 2-band; 390-modda; 407-modda 4 va 5-qismlar; 942-son Nizomning 4-bandi)

2019 yilning IV choragi uchun yer qa’ridan foydalanganlik uchun soliqning hisob-kitobini taqdim etish va soliqni toʻlashning soʻnggi kuni  (Soliq kodeksi, 454-modda, 3 va 4-qismlar; 942-son Nizomning 4-bandi).

2019 yil uchun suv resurslaridan foydalanganlik uchun soliqning hisob-kitobini taqdim etish va toʻlashning soʻnggi kuni**,***

(Soliq kodeksi, 447-modda, 3-qism; 448-modda, 5-qism; 942-son Nizomning 4-bandi)

2019 yil uchun mol-mulk soligʻi hisob-kitobini taqdim etish va soliqni toʻlashning soʻnggi kuni, Oʻzbekiston Respublikasi norezidentlari boʻlgan yuridik shaxslar bundan mustasno**

(Soliq kodeksi, 417-modda, 2 va 8-qismlar; 942-son Nizomning 4-bandi)

2019 yilning IV choragi uchun yagona soliq toʻlovi hisob-kitobini taqdim etish va 2019 yilning dekabr oyi uchun, mikrofirmalar va kichik korxonalar tomonidan esa 2019 yilning IV choragi uchun yagona soliq toʻlovini toʻlashning soʻnggi kuni**

(Soliq kodeksi, 470-modda, 3 va 4-qismlar)

2020 yil yanvar oyi uchun:

2020 yil yanvar oyi uchun JShDS va ijtimoiy soliq boʻyicha soliq hisobotini taqdim etish va soliqlarni toʻlashning soʻnggi kuni

(SK, 389-modda, 1-q, 2-b; 390-m; 407-m 4 va 5-q.)

2020 yil yanvar oyi uchun soliq toʻlovchilar tomonidan qat’iy miqdorda belgilangan JShDSni toʻlashning soʻnggi kuni. Bunday soliq toʻlovchilar qat’iy belgilangan miqdorda soliq toʻlashni u tadbirkorlik sub’yekti sifatida davlat roʻyxatidan oʻtkazilgan oydan yoki yakka tartibdagi tadbirkor yoxud oilaviy tadbirkorlik sub’yekti bilan mehnat shartnomasi tuzilgan oydan keyingi oydan e’tiboran amalga oshiradi   (SK 392-m, 1 va 2-q).

*Kunlar bilan hisoblanadigan  muddat, agar bu muddat kalendar kunlar bilan belgilanmagan boʻlsa, ish kunlari bilan hisoblanadi. Bunda qonun hujjatlariga muvofiq dam olish va (yoki) ish kuni boʻlmagan bayram kuni deb e’tirof etilmaydigan kun ish kuni deb hisoblanadi.

Agar muddatning oxirgi kuni qonun hujjatlariga muvofiq dam olish va (yoki) ish kuni boʻlmagan kun deb e’tirof etiladigan kunga toʻgʻri kelsa, dam olish kunidan va (yoki) ish kuni boʻlmagan kundan keyingi ish kuni muddatning tamom boʻlish kuni deb hisoblanadi (yangi tahrirdagi SK 5-m, 7 va 8-q).

Agar soliq majburiyatini bajarish muddatining soʻnggi kuni dam olish (ishlanmaydigan) kuniga toʻgʻri kelsa, undan keyingi birinchi ish kuni muddatning tugash kuni hisoblanadi (yangi tahrirdagi SK 86-m, 6-q).

**Quyidagilar:

yillik hisobotni hisobot yilidan keyingi yilning 15 martidan kechiktirmay taqdim etadigan vazirlik va idoralar, assotsiatsiyalar, konsernlar va davlat mulkini boshqaradigan boshqa korxonalar;

yillik moliyaviy hisobotni hisobot yilidan keyingi yilning 25 martidan kechiktirmay taqdim etadigan chet el investitsiyalari ishtirokidagi korxonalari va chet el firmalarining vakolatxonalari;

moliyaviy natijalar toʻgʻrisidagi hisobotni hisobot yilidan keyingi yilning 15 martiga qadar taqdim etadigan yuridik shaxs maqomiga ega byudjet tashkilotlari bundan mustasno.

***Soliq davridan keyingi yilning 20 yanvarigacha hisob-kitobni taqdim etadigan va soliqni toʻlaydigan Oʻzbekiston Respublikasida faoliyatini doimiy muassasalar orqali amalga oshirayotgan Oʻzbekiston Respublikasining norezidentlari, shuningdek yakka tartibdagi tadbirkorlar;

soliqni yilda 1 marta, soliq davridan keyingi yilning 1 mayigacha toʻlaydigan dehqon xoʻjaliklari bundan mustasno.

Kalendar buxgaltera (uzb.) Kalendar buxgaltera (uzb.) Kalendar buxgaltera (uzb.) /oz/publish/doc/text157344_15_fevral