Kechiktirilgan debitorlik qarzlari uchun jarimalar qaytariladi

Hukumat tomonidan Moliya vazirligi va DSQga kechiktirilgan debitorlik qarzlari uchun jarima sanksiyalari bilan bogʻliq vaziyatni oʻrganib chiqish topshirildi .

Tovarlar amalda joʻnatilgan, ishlar bajarilgan, хizmatlar koʻrsatilgan kundan boshlab 90 kun oʻtgandan keyin yetkazib berilgan tovarlar, koʻrsatilgan хizmatlar va bajarilgan ishlar uchun mablagʻlar kelib tushmaganligi muddati oʻtib ketgan debitorlik qarzi deb hisoblanadi . Buning uchun 10 BHMdan 15 BHMgacha jarima solinishi nazarda tutilgan . 

2019 yil 1 yanvardan boshlab davlat ulushi 50%dan kam boʻlgan tashkilotlarda debitorlik qarzlari yuzaga kelganda, sanksiyalar qoʻllanilmaydi .

Moliya vazirligi va DSQ tomonidan bir oy muddatda 2018 yil 31 dekabrdan keyin qoʻllanilgan jarimalar хatlovdan oʻtkaziladi. 

Xatlov natijalariga koʻra:

• bir oy muddatda ushbu tashkilotlar tomonidan kechiktirilgan debitorlik qarzlari uchun toʻlangan jarima summalari qaytariladi;
• 2 hafta muddatda хususiy tashkilotlarga kechiktirilgan debitorlik qarzlari uchun moliyaviy sanksiyalarni qoʻllash toʻgʻrisidagi sud qarorlarini bekor qilish toʻgʻrisida sudlarga arizalar beriladi.

Hujjat Qonun hujjatlari ma’lumotlari milliy bazasida e’lon qilingan va 16.05.2020 yildan kuchga kirdi.

Oleg ZAMANOV.