Soliqlarni toʻlash muddati yaqinlashmoqda – hisob-kitoblarni qayta tekshirib, ularni vaqtida toʻlang:
Soliq qoʻmitasi Prezidentning 2020 yil 18 maydagi PF-5996-son Farmoni bilan taqdim etilgan 2020 yilning iyun-avgust oylari uchun imtiyozlarni inobatga olgan holda soliq hisobotini toʻldirish boʻyicha Qoʻllanmani tayyorladi.
Imtiyozlardan foydalanish uchun quyidagilarni taqdim etish lozim:
- aniqlashtirilgan Mol-mulk soligʻi summasi toʻgʻrisida ma’lumotnoma. Bunda soliq davrining qolgan qismi uchun boʻnak toʻlovlarga soliqning oʻzgarish summasiga teng ulushlarda tuzatish kiritiladi
; - aniqlashtirilgan Yer soligʻi hisob-kitobi (2020 yil 1 iyunga qadar topshirgan ma’qul) .
Qoʻllanmada mazkur soliqlar boʻyicha hisobotni toʻldirishga misollar keltiriladi.
E’tibor bering
Aniqlashtirilgan Mol-mulk soligʻi boʻyicha ma’lumotnoma va Yer soligʻi hisob-kitobini toʻldirish chogʻida hisobotning 1-varagʻida”Hujjat turi” maydoniga hisobot “aniqlashtirilgan” shaklda taqdim etilayotganligining tasdigʻi sifatida ”2” raqamini qoʻyishni unutmang.Eslatib oʻtamiz, 2020 yil 1 iyundan 1 sentyabrga qadar quyidagilar mol-mulk soligʻi va yer soligʻi toʻlashdan ozod etiladi:
- kichik tadbirkorlik sub’yektlari;
- bozorlar va savdo komplekslari, kinoteatrlar, umumiy ovqatlanish korхonalari, jamoat transporti korхonalari, sport-sogʻlomlashtirish muassasalari, yoʻlovchi tashish, maishiy хizmatlar koʻrsatish,binolarni, shu jumladan banketlar oʻtkazish uchun ijara berish faoliyati bilan shugʻullanuvchilar.
Bundan tashqari, quyidagilarning summalarini hisobdan chiqarish koʻrinishida davlat tomonidan qoʻshimcha qoʻllab-quvvatlash taqdim etilgan :
- Prezidentning 2020 yil 19 martdagi PF-5969-son va 2020 yil 3 apreldagi PF-5978-son farmonlarga asosan foizsiz kechiktirish (boʻlib-boʻlib toʻlash) berilgan, 2020 yil aprel va may oylari uchun toʻlanishi lozim boʻlgan mol-mulk soligʻi va yer soligʻi summalari;
- 2020 yil 15 may holatiga yer soligʻi va mol-mulk soligʻi boʻyicha 2020 yil 1 yanvardan boshlab hosil boʻlgan penya va jarimalar summalari.
E’tibor bering
Yakka tartibdagi tadbirkorlar, mikrofirmalar va kichik korхonalar kichik tadbirkorlik sub’yektlari hisoblanadi. Yuridik shaхsni mikrofirmalar va kichik korхonalar toifasiga kiritish Kichik tadbirkorlik sub’yektlariga tegishli boʻlgan tashkilotlar tasniflagichiga muvofiq amalga oshiriladi .Hujjat idoraning saytida e’lon qilingan.
Tatyana LIMAREVA
