PF-5996-son Farmonni hisobga olgan holda YaTT uchun soliq imtiyozlari

T/r

Soliqlar va yigʻimlar

Yakka tartibdagi tadbirkorlar

Soliq davrida tovarlarni (xizmatlarni) realizatsiya qilishdan olingan daromadi 100 mln soʻmdan oshmagan

Soliq davrida tovarlarni (xizmatlarni) realizatsiya qilishdan olingan daromadi 100 mln soʻmdan oshgan, biroq 1 mlrd soʻmgacha boʻlgan 

Soliq davrida tovarlarni (xizmatlarni) realizatsiya qilishdan olingan daromadi 1 mlrd soʻmdan oshmagan

Soliqlar boʻyicha imtiyozlar  

1

JShDS

1. Karantin tadbirlari davrida oʻz faoliyatini toʻxtatishga majbur boʻlgan YaTT uchun JShDS qat’iy belgilangan summasini hisoblash toʻxtatildi .

2. Faoliyati turizm sohasiga bevosita yoki bilvosita bogʻliq boʻlgan YaTT uchun JShDSning qat’iy belgilangan summalari 30%ga kamaytiriladi .

Ma’lumot uchun: JShDSning qat’iy belgilangan stavkalari 09.12.2019 yildagi OʻRQ-589-son Qonunga 13-ilovada koʻrsatilgan

1. 2020 yil 1 apreldan jismoniy shaxslar tomonidan xayriya tashkilotlaridan moddiy naf tarzida olinadigan daromadlar soliqqa tortishdan ozod qilinadi .
2. 2020 yil 1 apreldan 1 oktyabrga qadar «Mahalla», «Saxovat va koʻmak», «Oʻzbekiston mehr-shafqat va salomatlik» fondlaridan, yuridik va jismoniy shaxslardan olinadigan begʻaraz yordam (pul mablagʻlari, tovarlar va xizmatlar)ga, agar yordam oluvchi shaxslar mahalliy davlat hokimiyati organlari tomonidan shakllantiriladigan ijtimoiy qoʻllab-quvvatlashga muhtoj boʻlgan jismoniy shaxslar roʻyxatiga kiritilgan boʻlsa, jismoniy shaxslarning daromadi sifatida qaralmaydi .
3. 2020 yilda xodimga toʻlanadigan, JShDSga tortilmaydigan moddiy yordam summasi MHEKMning 4,22 baravaridan 7,5 baravarigacha oshiriladi

2

Mol-mulk soligʻi

1. YaTT 2020 yil 1 iyundan 1 sentyabrgacha mol-mulk soligʻini toʻlashdan ozod qilinadi
2. Quyidagi summalar hisobdan chiqariladi:

• PF-5969-son va PF-5978-son farmonlarga asosan foizsiz kechiktirish (boʻlib-boʻlib toʻlash) berilgan, 2020 yil aprel va may oylari uchun toʻlanishi lozim boʻlgan soliq summalari;
• 2020 yil 15 may holatiga mol-mulk soligʻi boʻyicha 2020 yil 1 yanvardan boshlab hosil boʻlgan penya va jarimalar summalari

3. 2020 yil 1 apreldan 31 dekabrga qadar foydalanilmayotgan ishlab chiqarish maydonlari, yashash uchun moʻljallanmagan inshootlarga nisbatan mol-mulk soligʻining oshirilgan stavkalarini qoʻllash, shuningdek, oshirilgan stavkalarni qoʻllash natijasida yuzaga kelgan qarzdorlikka nisbatan penya hisoblash va majburiy undirish choralarini koʻrish tartibi toʻxtatiladi

Ma’lumot uchun: jismoniy shaxslardan olinadigan mol-mulk soligʻi stavkalari SK 422-moddasida koʻrsatilgan

3

Yer soligʻi

1. YaTT 2020 yil 1 iyundan 1 sentyabrgacha soliqni toʻlashdan ozod qilinadi .
2. Quyidagi summalar hisobdan chiqariladi:

• PF-5969-son va PF-5978-son farmonlarga asosan foizsiz kechiktirish (boʻlib-boʻlib toʻlash) berilgan, 2020 yil aprel va may oylari uchun toʻlanishi lozim boʻlgan soliq summalari;
• 2020 yil 15 may holatiga yer soligʻi boʻyicha 2020 yil 1 yanvardan boshlab hosil boʻlgan penya va jarimalar summalari .

3. Quyidagilar toʻxtatiladi:

• 2020 yil 1 apreldan 31 dekabrga qadar foydalanilmayotgan ishlab chiqarish maydonlari, yashash uchun moʻljallanmagan inshootlarga nisbatan soliqning oshirilgan stavkalarini qoʻllash, shuningdek, oshirilgan stavkalarni qoʻllash natijasida yuzaga kelgan qarzdorlikka nisbatan penya hisoblash va majburiy undirish choralarini koʻrish ;
• karantin tadbirlari davrida oʻz faoliyatini toʻxtatishga majbur boʻlgan YaTT tomonidan davlat mulkidan foydalanganlik uchun ijara toʻlovlarini hisoblash va undirish .

Ma’lumot uchun: jismoniy shaxslardan olinadigan yer soligʻi stavkalari 9.12.2019 yildagi OʻRQ-589-son Qonunga 9-ilovada koʻrsatilgan

4

Ijtimoiy soliq

1. 2020 yil 1 apreldan 1 oktyabrgacha boʻlgan davrda soliqning oylik eng kam summasi BHMning 50%iga qadar kamaytiriladi .
2. Karantin tadbirlari davrida oʻz faoliyatini toʻxtatishga majbur boʻlgan YaTT uchun soliqni hisoblash toʻxtatiladi

 
Ma’lumot uchun: ijtimoiy soliq stavkalari SK 408-moddasida koʻrsatilgan 

5

Aylanmadan olinadigan soliq

1. 2020 yil yakuniga qadar qarz beruvchiga foiz shaklida daromad toʻlash majburiyatisiz qarz (qaytarib beriladigan moliyaviy koʻmak) taqdim etilganda qayta moliyalash stavkasi asosida aniqlanadigan daromad soliqqa tortilmaydi .
2. 2020 yil 1 apreldan 1 oktyabrga qadar «Mahalla», «Saxovat va koʻmak», «Oʻzbekiston mehr-shafqat va salomatlik» fondlariga (ularning boʻlinmalariga), shuningdek, mahalliy davlat hokimiyati organlari tomonidan shakllantiriladigan ijtimoiy qoʻllab-quvvatlashga muhtoj boʻlgan jismoniy shaxslar roʻyxatiga kiritilgan jismoniy shaxslarga begʻaraz beriladigan tovarlar (xizmatlar) soliq solish ob’yektiga kiritilmaydi

6

Foyda soligʻi

1. Soliqni avvalgi chorak yakunlari asosida hisoblash boʻyicha oʻrnatilgan talablarni bekor qilgan holda, ushbu soliqni toʻlovchilar 2020 yilning II choragidan boshlab, kutilayotgan hajmlardan kelib chiqib soliq boʻyicha avans toʻlovlar summasi toʻgʻrisida ma’lumotnoma taqdim etish huquqiga ega . 
2. Tijorat banklari tomonidan kreditlar boʻyicha hisoblangan va kechiktirilgan foizlar summasi kechiktirish taqdim etilgan davrda soliqni hisoblashda jami daromad tarkibiga kiritilmaydi .
3. 2020 yil 1 apreldan 1 oktyabrga qadar «Mahalla», «Saxovat va koʻmak», «Oʻzbekiston mehr-shafqat va salomatlik» fondlariga (ularning boʻlinmalariga), shuningdek, mahalliy davlat hokimiyati organlari tomonidan shakllantiriladigan ijtimoiy qoʻllab-quvvatlashga muhtoj boʻlgan jismoniy shaxslar roʻyxatiga kiritilgan jismoniy shaxslarga begʻaraz beriladigan pul mablagʻlari va tovarlar (xizmatlar)ga chegiriladigan xarajatlar sifatida qaraladi

7

QQS

1. 2020 yil 1 apreldan boshlab Prezident va Vazirlar Mahkamasining qarorlarida nazarda tutilgan QQS boʻyicha imtiyozlar soliq solishdan boʻshagan mablagʻlarni muayyan maqsadlarga yoʻnaltirish shartlarisiz qoʻllaniladi .
2. 2020 yil 1 apreldan 1 oktyabrga qadar «Mahalla», «Saxovat va koʻmak», «Oʻzbekiston mehr-shafqat va salomatlik» fondlariga (ularning boʻlinmalariga), shuningdek, mahalliy davlat hokimiyati organlari tomonidan shakllantiriladigan ijtimoiy qoʻllab-quvvatlashga muhtoj boʻlgan jismoniy shaxslar roʻyxatiga kiritilgan jismoniy shaxslarga begʻaraz beriladigan tovarlar (xizmatlar) QQSdan ozod qilinadi

8

Bojxona toʻlovlari

1. 2020 yil 31 dekabrga qadar 3.04.2020 yildagi PF-5978-son Farmonga 1-ilovaga muvofiq tovarlarni olib kirishda bojxona boji va aksiz soligʻining nol stavkalari belgilanadi .
2. Koronavirus infeksiyasiga qarshi kurashish boʻyicha tibbiyot va karantin muassasalari qurilishi uchun zarur boʻlgan qurilish materiallari, shuningdek, ular faoliyat koʻrsatishi uchun zarur tovarlar 2020 yil 31 dekabrgacha muddatga bojxona toʻlovlaridan (bojxona boji, aksiz soligʻi, QQSdan) ozod etiladi .
3. Koronavirus infeksiyasini aniqlash boʻyicha ekspress-testlarni olib kirishda ular uchun bojxona rasmiylashtiruvi yigʻimi undirilmaydi

9

Turistik (mehmonxona) yigʻim

2020 yil 1 apreldan 1 iyulgacha boʻlgan davrda turistik yigʻimni hisoblash va toʻlash

Soliqlarni toʻlashni kechiktirish (boʻlib-boʻlib toʻlash)

10

Mol-mulk soligʻi, yer soligʻi

Mahalliy davlat hokimiyati organining qaroriga asosan YaTTga soliqlarni toʻlash boʻyicha foizlarni undirmasdan 6 oyga kechiktirish (boʻlib-boʻlib toʻlash) huquqi taqdim etiladi

11

Aylanmadan olinadigan soliq, mol-mulk soligʻi, yer soligʻi, suv resurslaridan foydalanganlik uchun soliq, ijtimoiy soliq  

Oʻz faoliyatini toʻxtatgan va (yoki) tovarlar (xizmatlar) realizatsiyasidan tushumi joriy yilning I choragidagi oʻrtacha oylik miqdoriga nisbatan 50%dan koʻproqqa kamaygan YaTTga soliq organlarini xabardor qilgan holda 2020 yil 31 dekabrga qadar quyidagi soliqlarni foizsiz kechiktirish (boʻlib-boʻlib toʻlash) huquqi taqdim etiladi:

• aylanmadan olinadigan soliq, mol-mulk soligʻi, yer soligʻi, suv resurslaridan foydalanganlik uchun soliq boʻyicha – ularni keyinchalik 12 oy davomida teng ulushlarda toʻlash sharti bilan;
• ijtimoiy soliq boʻyicha – uni keyinchalik 6 oy davomida teng ulushlarda toʻlash sharti bilan  .

Mahalliy davlat hokimiyati organlari kechiktirish (boʻlib-boʻlib toʻlash) berilgan va kelgusida toʻlanadigan soliq summalarini toʻlash boʻyicha muddatni mustaqil ravishda, biroq 2 yildan oshirmasdan belgilash huquqiga ega

12

JShDS

2020 yil 1 apreldan 1 oktyabrga qadar jismoniy shaxslarga turar joylarini jismoniy shaxslarga va koronavirus pandemiyasi davrida faoliyati toʻxtagan tadbirkorlik sub’yektlariga noturar joylarni ijaraga berishdan olingan jismoniy shaxslardan olinadigan daromadlar boʻyicha soliqni foizsiz kechiktirib toʻlash huquqi beriladi. Kechiktirilgan soliq summasi 2021 yil 1 aprelgacha teng ulushlarda toʻlanishi lozim

13

Bojxona toʻlovlari

YaTTga tovarlar (ishlar, xizmatlar) import qilishda QQSni toʻlash boʻyicha 120 kun muddatgacha kechiktirish olish huquqi berildi

Soliq ma’muriyatchiligi sohasidagi imtiyozlar 

14

2020 yil 1 oktyabrgacha tashqi savdo operatsiyalari boʻyicha muddati oʻtgan debitor qarzdorlik uchun YaTTga jarimalar qoʻllash toʻxtatiladi

15

2020 yil 1 oktyabrgacha vaqtincha qiyinchiliklarni boshdan kechirayotgan yakka tartibdagi tadbirkorlarga mol-mulk soligʻi, yer soligʻi va suv resurslaridan foydalanganlik uchun soliq boʻyicha penyalar hisoblanishi toʻxtatib turiladi. Shuningdek, soliq qarzini majburiy undirish choralari koʻrilmaydi .

Ma’lumot uchun: penya miqdori SK 110-moddasida belgilangan  

16

2021 yil 1 yanvarga qadar soliq auditidan oʻtkazish toʻxtatildi, jinoyat ishlari doirasida soliq auditidan oʻtkazish bundan mustasno .

Ma’lumot uchun: soliq auditidan oʻtkazish tartibi SK 140–143-moddalarida keltirilgan 

17

Karantinga olingan shaxslarga nisbatan qoʻllanilgan ma’muriy jarimalarni (karantin qoidalarini buzganlik uchun javobgarlik bundan mustasno) toʻlash muddatlari karantin muddati tugagunga qadar uzaytiriladi