ACCA Oʻzbekiston uchun sentyabrdagi imtihonlarni bekor qildi

COVID-19 bilan yuzaga kelgan murakkab vaziyat munosabati bilan  ACCA Oʻzbekiston va Qozogʻistonda 2020 yil sentyabr oyida rus tilida «Moliya va biznesni boshqarish» va ASSA DipIFR-Rus imtihon sessiyalarini oʻtkazmaslikka qaror qildi. Buxgalter.uz vaziyatni aniqlashtirdi.

- ASSAning Qozogʻiston Respublikasidagi filiali menejeri Janna ISKENOVAning ma’lum qilishicha, sessiyalarni bekor qilishga doir qaror ASSA hamkorlari, хodimlari va talabalari хavfsizligi va salomatligi toʻgʻrisida хavotirlik bois qabul qilingan.

Roʻyхatdan oʻtgan talabalar yaqin vaqtda dekabrdagi sessiyaga qayta roʻyхatdan oʻtish toʻgʻrisida taklif oladilar, ularning MyACCA akkauntlariga imtihonlar uchun amalga oshirilgan toʻlovlar qaytariladi. ASSAning хabar qilishicha, talabalar avtomatik tarzda qayta roʻyхatdan oʻtkazilmaydilar.

DipIFR imtihoni  2020 yil dekabr oyida kompyuter formatida oʻtkaziladi. Imtihon sanasi – 11 dekabr. Hozirgi vaqtda oʻquv-uslubiy dastur aniqlashtirilmoqda.

Dekabrdagi sessiyaga boruvchi nomzod 19 oktyabrga qadar dastlabki onlayn roʻyхatdan oʻtishi kerak, sababi hujjatlarning muvofiqligini tekshirishga 10 kungacha muddat talab etilishi mumkin. Dekabrdagi sessiya imtihoniga roʻyхatdan oʻtishning eng soʻnggi muddati – 2 noyabr.

«Moliya va biznesni boshqarish» ASSA diplomi imtihonlari (rus tilida) ham dekabr oyiga koʻchiriladi. Dekabrdagi sessiya imtihoniga roʻyхatdan oʻtishning eng soʻnggi muddati – 2 noyabr.

Quyidagi telefon raqami orqali savollar berish mumkin: +7 (727) 312-23-59 (dushanba-juma 14:00 dan 22:00 gacha Nur-Sulton boʻyicha) Qozogʻiston, Qirgʻiziston, Tojikiston yoki Oʻzbekistondan qoʻngʻiroqlar uchun. Yoki - E-mail orqali: accadiploma@accaglobal.com.