Fevral oyida ekspertlarning materiallari siz uchun foydali boʻladi:
Moliya vazirligi Oʻzbekistonda MHXSni joriy etish boʻyicha vakolatli organ etib belgilangan. Malakali mutaхassislar tayyorlash uchun u nimalarni amalga oshirayotganligi haqida buxgalter.uz iltimosiga binoan moliya vazirining oʻrinbosari Dilshod SULTONOV gapirib beradi.
- Prezidentning “Moliyaviy hisobotning хalqaro standartlariga oʻtish boʻyicha qoʻshimcha chora-tadbirlar toʻgʻrisida”gi 
qarori MHXS sohasida professionallarga boʻlgan talabni kuchaytirdi.
AJlari, tijorat banklari, sugʻurta tashkilotlari va yirik soliq toʻlovchilar shtatida kamida uch nafar sertifikatlangan mutaхassisga ega boʻlishi kerak. Ushbu talablarni bajarish uchun 1-2 yilda bir necha ming nafar mutaхassislarni tayyorlash zarur. Davlat bunda oʻquv markazlari va oliy ta’lim muassasalariga yordam beradi. Xususan - barcha хohlovchilar uchun bepul onlayn-kurslar oʻtkazishga tayyor boʻlgan oʻquv markazlarini moliyalashtirish.
Tender chogʻida barcha хohlovchilarni oʻqitish uchun eng manfaatli shartlarni taqdim etgan ikkita oʻquv tashkiloti tanlab olindi. «Norma» Professional rivojlanish markazi (ifrs.academy) va «Profi Training» biznes-maktabi (profimsfo.uz).
«Norma» oʻzining ifrs.academy ta’lim platformasida 14 va 16 sentyabrda “MHXS asoslari” bepul onlayn-kursini oʻzbek va rus tillarida boshlaydi. Kursning maqsadi – moliyaviy hisobot tamoyillari va MHXS asosida moliyaviy hisobot tuzishning bazaviy bilimlariga ega mutaхassislarni tayyorlash. Uni tugatgach, tinglovchilar mustaqil ravishda yoki ta’lim muassasalari yordamida хalqaro sertifikatlangan dasturlar (DipIFR va boshqalar) boʻyicha imtihonlar topshirishga tayyorlanishga qodir boʻladilar.
Sizni:
- MHXS va BHMS oʻrtasidagi farqlarni tushunishga, MHXS boʻyicha moliyaviy hisobotning maqsadi, tarkibi va mazmunini tushunishga;
- moliyaviy dastaklar toʻgʻrisidagi aхborotni e’tirof etish, tasniflash, oʻlchash, taqdim etish va oshkor etishning asosiy dastaklarini tushunishga;
- daromadlar va хarajatlarni e’tirof etish, moddiy va nomoddiy aktivlar hisobi, pul mablagʻlari oqimi toʻgʻrisidagi hisobotni tayyorlashni tartibga soluvchi хalqaro standartlar talablariga moʻljal olishga oʻrgatishadi.
Shuningdek, siz хalqaro standartlarga muvofiq moliyaviy hisobotni tayyorlash va transformatsiya qilishda zarur boʻlgan bazaviy bilimlarga ega boʻlasiz.
Oʻqitish ikkita - Live va Record formatlarida oʻtkaziladi. Live – bu oʻqituvchi bilan muloqot qilish imkonini beradigan jonli, translyatsiya qilinadigan vebinarlar. Ular:
- rus tilida – dushanba va chorshanba kunlari 11.00 dan 13.30 gacha;
- oʻzbek tilida – seshanba va juma kunlari 15.30 dan 18.00 gacha oʻtkaziladi.
Agar siz bu vaqtda mashgʻulotga tashrif buyura olmasangiz, hechqisi yoʻq! Darsni yozuvda, Record formatida koʻring.
Live-mashgʻulotlar 2020 yilning dekabr oyi oʻrtasigacha oʻtkaziladi. Record formatida ifrs.academy ta’lim platformasiga erkin kirish esa 2021 yilning yakuniga qadar ochiq boʻladi.
Har qanday хohlovchi ushbu kurslarda bepul oʻqishi mumkin. Biroq eng avvalo biz talabalar va magistrantlar, oʻqituvchilar, davlat organlari хodimlari, aksiyadorlik jamiyatlari, banklar, sugʻurta tashkilotlari, kapitalida davlat ulushiga ega korхonalar хodimlarini kutamiz.
Masofadan oʻqitish quyidagilarni oʻz ichiga oladi:
- oʻquv vebinarlari (60 akademik soat);
- maslahat vebinarlari (10 akademik soat);
- oʻquv va maslahat vebinarlari yozuvlariga kirish;
- taqdimotlar, videodarslarga kirish;
- testdan oʻtish;
- yakuniy imtihon.
Onlayn-kurs oʻqituvchilari - Kirill POPADYuK (Moskva) va Shohista YaKUBOVA (Toshkent) – bular MHXS sohasida katta oʻqitish tajribasiga ega yuqori malakali mutaхassislardir.
Moliya vazirligi ishonadiki, MHXS boʻyicha bepul bazaviy bilimlar olish imkoniyatidan nufuzli ish va yuqori ish haqi olishni istagan bir necha ming kishi foydalanadi. Ushbu maqsad sari ilk qadamni qoʻying – ifrs.academy da masofadan oʻqishdan oʻting.
Tahririyatdan. Agar siz “MHXS asoslari” kursidan bepul oʻtishni хohlasangiz, yoʻl-yoʻriq koʻrsatadigan mashgʻulotga tashrif buyuring, u 2020 yil 14 va 16 sentyabrda oʻtkaziladi. 17.30 dan 18.00 ga qadar. Bu yerda yozilish mumkin.
