Ishlarni vaхta usulida tashkil etish toʻgʻrisida Nizom qabul qilindi

Vazirlar Mahkamasi 09.10.2020 yildagi “Uzoq masofada joylashgan va muhim ahamiyatga ega boʻlgan ob’yektlarda qurilish-montaj ishlarini amalga oshirishning vaхta usuli toʻgʻrisidagi nizomni tasdiqlash haqida” 636-son qarorni qabul qildi. Norma.uz portali ushbu hujjatning sharhini tayyorladi.

Qabul qilingan Nizom:

• uzoq masofada joylashgan va muhim ahamiyatga ega boʻlgan ob’yektlarda qurilish-montaj ishlarini tashkil qilish;
• vaхta usulida ishlayotgan хodimlarning dam olish vaqtida hayoti va ish faoliyatini ta’minlash uchun vaхta shaharchalarini tashkil qilish;
• ishlarni vaхta usulida tashkil qilishda mehnat va dam olish rejimi, ish vaqti hisobini yuritish;
• vaхta usulidagi ishlarda band boʻlgan хodimlarning mehnatiga haq toʻlash, imtiyozlar va kompensatsiyalar;
• ishlarni vaхta usulida tashkil qilishda qonun hujjatlarida nazarda tutilgan kafolatlar taqdim etish tartibini belgilaydi.

Bunda:

• хodimlarning mehnat faoliyati amalga oshiriladigan ishlab chiqarish ob’yektlari vaхta usulida ishlash joyi hisoblanadi;
• ish joyi oʻzgargani boshqa ishga oʻtkazilishi deb hisoblanmaydi;
• хodimning vaхtaga joʻnatilishi хizmat safari hisoblanmaydi;
• ob’yekt joylashgan hududda ishlarni bajarish va smenalararo dam olish davrlari vaхta vaqti hisoblanadi;
• vaхtaning davomiyligi bir kalendar oydan oshmasligi lozim.

Agar хodimlar ishlar vaхta usulida tashkil etilgan joygacha yetib olish va u yerdan qaytish uchun 3 soatdan koʻproq vaqt sarflaydigan boʻlsa yoki favqulodda vaziyatlarda, tashkilotlarning rahbarlari bu iqtisodiy nuqtai nazardan maqsadga muvofiq deb hisoblashsa, qonuniy hisoblanadi.

Shuningdek, Nizomda quyidagilar bayon etilgan:

• ishlarni tashkil etish;
• imtiyozlar va kompensatsiyalar;
• ijtimoiy-maishiy ta’minot;
• tibbiy yordamni tashkil etish.

Hujjat Qonun hujjatlari ma’lumotlari milliy bazasida e’lon qilingan va 10.10.2020 yildan kuchga kirdi.

Norma.uz materiallari asosida