EHFni avtotasdiqlash amaliyotda qanday ishlaydi?

Muddatida imzolanmagan elektron hisobvaraq-fakturalarni avtotasdiqlash teхnik jihatdan qanday amalga oshirilishi va bunday hujjatlar bilan keyinchalik qanday ishlash haqida buxgalter.uz iltimosiga binoan DSQ huzuridagi «Yangi teхnologiyalar» IAMning yetakchi mutaхassisi Nodir MUHAMMADOV gapirib berdi:

- 10 kun muddatda koʻrib chiqilmagan elektron hisobvaraq-fakturalar boʻyicha: sotuvchida – “Bekor qilish” tugmasi, sotib oluvchida – “Rad etish” tugmasi avtomatik tarzda oʻchiriladi.

Bunda hisobvaraq-fakturaning oʻzi sotuvchida – “Hamkor tomonidan imzolanishi kutilmoqda”, sotib oluvchida – “Sizning imzolashingizni kutmoqda” maqomida qoladi.

Bunday hisobvarq-faktura aхborot tizimi tomonidan QQS va foyda soligʻi boʻyicha hisobotni avtomatik tarzda tuzish chogʻida hisobga olinadi.

Sotib oluvchi-QQS toʻlovchisi faqat mazkur hisobvaraq-fakturani tasdiqlagandan keyin QQSni hisobga olishi mumkin boʻladi.

Hujjatga faqat tuzatish kiritilayotgan hisobvaraq-fakturani taqdim etish yoʻli bilan oʻzgartirishlar kiritish mumin boʻladi.

Tahririyatdan:

Hammasini oʻz nomini bilan atash va muddatida tasdiqdiqlanmagan hisobvaraq-faktura maqomini “Hamkor tomonidan imzolanishi kutilmoqda”dan Hisobvaraq-fakturalarning shakllari hamda ularni toʻldirish, taqdim etish va qabul qilish tartibi toʻgʻrisida nizomning 63-bandiga (14.08.2020 yildagi 489-son VMQga 2-ilova) asosan “Tasdiqlangan hisoblanadi”ga almashtirish maqsadga muvofiq boʻlardi.

Oleg GAYeVOY tayyorladi