9 oyni xatolarsiz yopamiz:
Soliq toʻlovchilarning shaxsiy kabinetiga Moliya vazirligidan birja savdolarida ishtirok etish imkoniyati toʻgʻrisida xabarnoma kelib tushdi. OʻzRTXBning koʻplab tadbirkorlar uchun elektron maydonlarini oʻzlashtirishning dolzarbligi 17 mart kuni Prezidentimizning PQ-5031-sonli qarori bilan imzolangan. Hujjatga koʻra 15 iyundan boshlab ichki bozorda faqat birja savdolari orqali sotilishi mumkin boʻlgan tovarlar roʻyxati ortib bormoqda. Buxgalter.uz gap nima haqida borayotganligini aniqlashtirdi:
Kengaytirilgan roʻyxatga monopolist korxonalar va (yoki UFning 50% va undan ziyod davlat ulushiga ega boʻlgan yuridik shaxsga tegishli boʻlgan) ustav fondida davlat ulushi 50% va undan ortiq boʻlgan tashkilotlar tomonidan ishlab chiqarilgan - polivinilxlorid (PVX), formalin, iste’mol va texnik etil spirti, kumush kiritildi.
Bundan tashqari, joriy yil oxiriga qadar 50% dan kam davlat ulushiga ega va davlat ulushiga ega boʻlmagan korxonalarning ayrim mahsulotlari ochiq birja savdolarida amalga oshiriladi. Bular jumlasiga sement - ishlab chiqarish hajmining kamida 50%, chigit, paxta yogʻi va qayta ishlangan chigit chiqindilari - 100% kiritilgan.
OʻzRTXBning elektron maydonchalarida ishlashni qanday boshlash mumkin
OʻzRTXB kuyidagi dastaklarga ega:
- byudjet va korporativ ishtirokchilar uchun auksion;
- elektron doʻkon – byudjet va korporativ ishtirokchilar uchun;
- tanlovlar, tenderlar, toʻgʻridan-toʻgʻri xaridlarda ishtirok etish.
OʻzRTXB eslatib oʻtadi: birja savdolari qoidalariga asosan, yuridik shaxslar savdolarda faqatgina dallol – brokerlik kompaniyalari orqali qatnasha oladi.
Birja savdolari yoʻriqnomalariga asosan, birja savdolarida ishtirok etish uchun siz brokerlar bazasidan oʻz vakilingizni tanlashingiz kerak, u orqali siz sotish yoki sotib olish amallarini qila olasiz.
Birjaning ichki savdolarida sotuvchi sifatida ishtirok etishingiz uchun siz:
1. Tovarning birja byulleteniga kiritilishi uchun ariza toʻldiring;
2. Omborxonaning ma’lumotnomasini topshiring;
3. Birgalikda faoliyat olib borish uchun bitim tuzing;
4. Broker bilan topshiriq shartnomasini tuzing;
5. Shaxsiy hisobni ochish uchun kerakli hujjatlar topshirib hisob-kitob va kliring palatasida hisob oching:
shaxsiy hisob (FIR) ochish uchun:
a) hisob-kitob va kliring palatasining xizmat koʻrsatishi haqida ommaviy oferta va aksept talabnoma bilan tanishing;
b) aksept talabnomasiga imzo qoʻying;
v) Yuridik va jismoniy shaxs uchun kliring qatnashuvchisining anketasini toʻldiring;
g) imzo va muhrlar namunalari bilan toʻldirilgan ikki nusxadagi kartochkalar taqdim eting – yuklab olish; yuridik shaxsni davlat roʻyxatidan oʻtganligi haqida guvohnoma va imzolovchilarning pasport nusxalari.
6. Birja savdolarida ishtirok etish uchun yetkazib berish kafolati asosidagi bitimning xajmidan oldindan 10%gacha moliyaviy toʻlov oʻtkaziladi:
a) Respublika ichidagi savdolar ishtirokchilariga quyidagi tovarlar boʻyicha toʻlov topshiriqnomasi: YoMM, texnik moylar, paxta va soya kunjarasi, paxta shulhasi, bitum - yuklab olish.
b) Respublika ichidagi savdolar ishtirokchilariga qolgan tovarlar boʻyicha toʻlov topshiriqnomasi - yuklab olish.
Birja savdolarida xaridor sifatida ishtirok etishingiz uchun sizga quyidagilar kerak boʻladi:
1. Broker bilan topshiriq shartnomasini tuzish;
2. Shaxsiy hisobni ochish uchun kerakli hujjatlarni topshirib hisob-kitob va kliring palatasida hisob ochishingiz;
shaxsiy hisob (FIR) ochish uchun:
a) hisob-kitob va kliring palatasining xizmat koʻrsatishi haqida ommaviy oferta va aksept talabnoma bilan tanishish, talabnomaga imzo qoʻyish;
b) yuridik va jismoniy shaxs uchun kliring qatnashuvchisining anketasini toʻldirish;
v) imzo va muhrlar namunalari bilan toʻldirilgan ikki nusxadagi kartochkalar taqdim etish (yuklab olish) yuridik shaxsni davlat roʻyxatidan oʻtganligi haqida guvohnoma va imzolovchilarning pasport nusxalari;
3.Birja savdolarida ishtirok etish uchun kafolatlangan ta’minot asosida bitimning xajmidan 10%gacha oldindan moliyaviy toʻlov puli oʻtkaziladi:
a) respublika ichidagi savdolar ishtirokchilariga quyidagi tovarlar boʻyicha toʻlov topshiriqnomasi: YoMM, texnik moylar, paxta va soya kunjarasi, paxta shulhasi, bitum - yuklab olish.
b) Respublika ichidagi savdolar ishtirokchilariga qolgan tovarlar boʻyicha toʻlov topshiriqnomasi - yuklab olish.
Saida Jonizoqova tayyorladi
