9 oyni xatolarsiz yopamiz:
Davstatqoʻm saytida “Tanlanma kuzatuv” boʻlimida tasdiqlangan joriy yilning II choragi uchun tanlanma kuzatuv ostiga tushgan kichik korxonalar va mikrofirmalar roʻyxati e’lon qilingan.
Qayd etamizki, endi koʻrsatilgan korxonalar yangi 4-kb savolnoma (ilgari 1-kb kuzatuv, 2-kb kuzatuv va 3-kb kuzatuv) shakli boʻyicha va eStat 4.0. dasturining yangi versiyasida kuzatuvdan oʻtkaziladi.
E’tibor bering!
4-kb savolnoma kuzatuv shaklini 2021 yilning II choragi uchun 2021 yil 15 iyulga qadar taqdim etish zarur.Uni toʻldirish uchun http://hisobot.stat.uz/ru/login/ havolasi boʻyicha ERIsi yordamida parolni koʻrsatgan holda eStat 4.0. dasturiga kirish zarur:
sizning tashkilotingiz nomi va uning rekvizitlari - KTUT, STIR bilan oyna ochiladi.
Shundan keyin oʻzingizning tashkilotingiz nomiga bosing va siz “sizning shaxsiy kabinetingiz”ga tushasiz.
“Shaxsiy kabinet”ning oʻng qismida tugmalar - sizning statistika hisobotlaringizning “maqomlari” - “joʻnatilganlar”, “rad etilganlar”, “qabul qilinganlar”, shuningdek statistika organlarining vakolatli vakillarining xabarnomalari aks ettiriladi.
Kabinetning chap qismida taklif etilgan roʻyxatdan “Kichik biznes va tadbirkorlik” havolasini tanlash zarur.
Keyin 4-kb savolnoma shakli tanlanadi va “Joʻnatish” tugmasiga bosiladi. Xavotirlanmang, sizda shakl darhol joʻnatilmaydi, u shunchaki toʻldirish uchun ochiladi.
Shaklning barcha zarur boʻlimlarini koʻrsatkichlar (statistika hisobotining yuqori paneli) bilan toʻldirgach, “Joʻnatish” tugmasiga bosing.
E’tibor bering!
4-kb savolnoma shaklining har bir boʻlimi boʻyicha mantiqiy nazorat - koʻrsatkichlarni toʻgʻri toʻldirish formulasi bilan tekshirish nazarda tutilgan . “Saqlash” tugmasiga e’tibor bering - unga bosishni unutmang, aks holda sizning boʻlimlar boʻyicha toʻldirilgan koʻrsatkichlaringiz saqlanmaydi va qaytadan toʻldirishga toʻgʻri keladi.Toʻldirishda yordamlar - shakl boʻlimlarining jadval qismi ostidagi 4-kb savolnoma shaklining u yoki boshqa boʻlimida aynan qaysi koʻrsatkichlarni aks ettirish zarurligi toʻgʻrisida izohlar sizga koʻmaklashadi.
Hisobotning toʻldirilgan shaklini 4-kb savolnoma shaklining yakuniy qismida tegishli tugmaga bosgan holda Excel ga yuklash mumkin.
“Shaxsiy kabinet”dan chiqish uchun uning chap qismi yuqorisida oʻzingizning tashkilotingiz nomiga bosing va keyin “Chiqish”ga bosing.
4-kb savolnoma shaklini toʻldirish masalalari boʻyicha (71) 202 -81-07, (71) 202 -81-08 telefon raqamlari orqali murojaat qilish mumkin.
eStat 4.0. dasturi ishida texnik masalalar boʻyicha (71) 202- 81- 45 telefon raqami orqali murojaat qilish mumkin.
Sizga muvaffaqiyatlar tilaymiz, hurmatli buxgalterlar!
Tatyana LIMAREVA,
“Norma” eksperti
