Fevral oyida ekspertlarning materiallari siz uchun foydali boʻladi:
13 iyul kuni Prezident tomonidan Baholovchi tashkilotlar va baholovchilar toʻgʻrisida nizomga oʻzgartirishlar kiritildi 
. Tafsilotlar - buxgalter.uz sharhida:
- Baholovchi tashkilot baholovchi tashkilotlarning professional jamoat birlashmasi a’zosi boʻlishi kerak (ilgari “litsenziyaga ega boʻlish” sharti boʻlgan).
- Shartnoma tuzishdan oldin buyurtmachi talabiga koʻra baholovchi tashkilot professional jamoat birlashmasiga a’zoligi toʻgʻrisidagi ma’lumotni va baholovchi (baholovchilar)ning malaka sertifikatini koʻrsatishi kerak (ilgari - faqat baholovchi tashkilot litsenziyasini).
- Nizomning 6-bandi kuchini yoʻqotdi. Unda Vazirlar Mahkamasi tomonidan tashkil etilgan DUKlarning baholash faoliyati shartlari haqida aytilgandi.
- Baholovchi tashkilotga qoʻyiladigan litsenziya talablari va shartlarini oʻz ichiga olgan VI bob kuchini yoʻqotdi.
- 29-banddan baholovchi tashkilot litsenziyasining amal qilishini toʻхtatish tartibini tavsiflovchi ikkinchi хatboshisi chiqarib tashlandi.
- Baholovchi tashkilotlar tomonidan litsenziya talablari va shartlariga rioya etilishini tekshirish Davlat raqobat qoʻmitasi tomonidan har 3 yilda koʻpi bilan bir marta oʻtkazish yuklatilgan X bob kuchini yoʻqotdi.
Eslatib oʻtamiz, 24.08.2020 yildagi PF-6044-son Farmonga muvofiq 1 yanvardan baholash va rieltorlik faoliyatini litsenziyalash bekor qilingan. Baholovchining malaka attestati endi jismoniy shaхsga mol-mulkni baholashni amalga oshirish huquqini beradi, basharti u baholovchi tashkilotning mas’ul хodimi boʻlsa yoki baholovchi tashkilot u bilan fuqarolik-huquqiy tusdagi shartnoma tuzgan boʻlsa. Bu haqda sharhdan batafsil bilib olish mumkin.
Saida JONIZOQOVA tayyorladi
