Asosiy vositalar amortizatsiyasi qanday hisoblanadi

Тавсияда:

– АВ амортизациясини ҳисоблаш қоидалари;
– бухгалтерия ҳисоби ва солиқ солиш мақсадларида асосий воситалар  амортизацияси нормаларини қиёслаш;
– АВ амортизацияси ҳисобланадиган қиймат;
– АВ амортизациясини бухгалтерия ҳисобида акс эттириш.

Асосий воситалар амортизациясини ҳисоблаш қоидалари 

Амортизация – бу асосий воситалар (АВ) қийматини уларни фойдали ишлатиш муддати давомида аста-секин корхона харажатларига ўтказишдир.  

Амортизацияни ҳисобланг :

• объект АВ таркибига қабул қилинган (фойдаланишга туширилган) ойдан кейинги ойнинг биринчи кунидан бошлаб;
• ҳар бир объект бўйича ҳар ойлик, ҳисобварақларда АВ эскиришини ҳисобга олган ҳолда (0200);
• АВ объекти амортизация қийматининг тўлиқ сўндирилгунича ёки уни балансдан ўчириб ташлагунча. АВ балансдан чиқарилган ёки ўчирилган тақдирда, амортизацияни охирги марта ҳисобдан ўчириш (чиқариш) ойида ҳисобланг.

Эътибор беринг

Агар сиз қандайдир АВни молиявий ижарага олган бўлсангиз, у бўйича амортизацияни ўзингизга тегишли АВлар билан бир қаторда ҳисобланг . Агар сиз АВни тезкор ижарага олган бўлсангиз, у бўйича амортизацияни ҳисобламанг. Буни ижарага берувчи бажариши лозим .

Қуйидаги ҳолларда АВ амортизациясини ҳисоблашни тўхтатинг:

• АВ консервацияга ўтказилган вақтда