Vositachida xarajatlarni qoplash qanday hisobga olinadi

QQS toʻlovchi boʻlgan komitent vositachiga transport xarajatlarini qoplab beradi. Buni buxgalteriya hisobida qanday toʻgʻri aks ettirishni “Norma” eksperti Tatyana LIMAREVA tushuntirdi:

– Komitent vositachiga vositachilik topshirigʻini bajarishda qilingan xarajatlarni qoplashi shart :

• tovarni sotuvchidan komitentning omborigacha yetkazish boʻyicha transport xarajatlari;
• yukni ortish, tushirish, qoʻriqlash xarajatlari;
• bojxona toʻlovlari, kursdagi farq boʻyicha xarajatlar, agar komitentning buyurtmasiga asosan tovar chet eldan import kontrakti boʻyicha xarid qilinsa;
• topshiriqni bajarish munosabati bilan bevosita yuzaga keladigan boshqa xarajatlar.

Komitent tovarlarni vositachida saqlash xarajatlarini qoplamaydi, agar qonun hujjatlarida yoki vositachilik shartnomasida boshqacha tartib nazarda tutilgan boʻlmasa .

Qoplanadigan xarajatlar:

    1) vositachida xarajatlarni hisobga oluvchi schyotlarda aks ettirilmaydi, balki komitentda xarajatlar sifatida hisobga olinadi;

    2) vositachining hisobotida va koʻrsatilgan xizmatlar toʻgʻrisidagi dalolatnomada koʻrsatiladi;

    3) vositachining hisobvaraq-fakturasida uning vositachilik haqi summasiga koʻrsatilmaydi.

Oʻtkazmalar

Vaziyatni shartli misolda koʻrib chiqamiz. Vositachilik shartnomasi va vositachining hisobotiga asosan QQS toʻlovchisi boʻlgan komitent uning tovarini realizatsiya qilish bilan bogʻliq 575 ming soʻm miqdorida transport xarajatlarini qoplaydi. Shu jumladan QQS - 75 ming soʻm.

Xarajatlar QQSsiz - 500 ming soʻm (575 – 75).