Grant hisobidan olingan ish haqiga JShDS va ijtimoiy soliq solinadimi?

“Institut Koreyaning ilmiy-tadqiqot instituti bilan qoʻshma ilmiy grantni bajarishga doir shartnoma tuzdi. Bunda xalqaro va chet el tashkilotlari va fondlari hamda ilmiy-texnika hamkorligi boʻyicha xalqaro bitimlar grantlari doirasida chet eldan olib kelinadigan pul mablagʻlari va asbob-uskunalar boʻyicha imtiyozlarni qoʻllash yuzasidan xulosa oldi. 

Institut muayyan xodimlarga grant mablagʻlaridan ish haqi toʻladi. Xalqaro grantni amalga oshirishda qanday soliq va bojxona imtiyozlari qoʻllaniladi: JShDS, ijtimoiy soliq, bojxona boji?”. 

Savolga “Norma” eksperti Olga BUSAROVA javob berdi:

– Soliq solish maqsadida Vazirlar Mahkamasi tomonidan belgilangan tartibda bepul asosda beriladigan quyidagi mol-mulk grant deb e’tirof etiladi:

     1) davlatlar, davlatlarning hukumatlari, xalqaro yoki chet el hukumat tashkilotlari yoxud nohukumat tashkilotlari tomonidan Oʻzbekiston Respublikasiga berilgan mol-mulk;

     2) chet el fuqarolari va fuqaroligi boʻlmagan shaxslar tomonidan Oʻzbekiston Respublikasiga berilgan mol-mulk .

Bojxona toʻlovlari

Davlatlar, hukumatlar, xalqaro tashkilotlar, shuningdek Vazirlar Mahkamasining qarorlarida nazarda tutilgan hollarda - boshqa tashkilotlar va shaxslar yoʻnalishlari boʻyicha xayriya yordami maqsadlarida, shu jumladan texnik yordam koʻrsatish (grantlar) uchun olib kiriladigan tovarlar QQS solishdan ozod etiladi .

JShDS

NNTdan, xalqaro hamda chet el tashkilotlari va fondlaridan, shuningdek vakolatli organning xulosasi mavjud boʻlsa, Oʻzbekiston Respublikasining ilmiy-texnika hamkorligi sohasidagi xalqaro shartnomalari doirasida soliq toʻlovchi grant beruvchidan bevosita olgan grantning summasiga JShDS solinmaydi . 

Mehnatga haq toʻlash tarzidagi daromadlarga ijtimoiy soliq solinadi . Jismoniy shaxs tomonidan grant beruvchidan olingan grantlarning, shu jumladan chet davlatlar grantlarining summalari ish haqi hisoblanmaydi. Ular jismoniy shaxsning boshqa daromadlariga kiradi .

Agar institut xodimlari grant beruvchidan shaxsan grant mablagʻlarini olishganda, ushbu summalardan ijtimoiy soliq toʻlanmagan boʻlardi. Biroq sizning xodimlaringiz grant mablagʻlaridan ish haqi olishsa-da, grant beruvchidan olishmaydi. Binobarin, koʻrsatilgan soliqlarni – JShDS va ijtimoiy soliqni institut ularning ish haqidan hisoblashi va byudjetga toʻlashi shart.

E’tibor bering

SK talablari bajarilishi sharti bilan olingan grantlar yuridik shaxslardan olinadigan foyda soligʻi solinadigan daromad sifatida hisobga olinmaydi .