Fevral oyida ekspertlarning materiallari siz uchun foydali boʻladi:
Statistika agentligi saytida 2024 yil IV chorak uchun 4-kb savolnoma va 4-kb sanoat shakllari boʻyicha tanlab olingan kuzatuvga tushgan kichik korхonalar va mikrofirmalar roʻyхatlari e’lon qilindi.
4-kb savolnoma va 4-kb (qurilish, savdo, xizmat) boʻyicha roʻyхatlarni yuklab oling va statistika shakllarini toʻldirish boʻyicha yoʻriqnoma bilan tanishing:
Muhim yangiliklarni oʻtkazib yubormaslik uchun Telegram-kanalimizga obuna boʻling.
E’tibor bering
Agar siz roʻyхatda boʻlsangiz, 2024 yil IV chorak uchun statistika hisobotini taqdim eting:
- 4-kb savolnoma shakli boʻyicha – 2025 yil 15 yanvargacha;
- 4-kb (qurilish, savdo, xizmat) shakli boʻyicha – 2025 yil 5 yanvargacha.
Quyidagilarni yuklab oling:
Dasturga kirish va shaklni toʻldirish
eStat 4.0 dasturiga ERI yordamida parolni koʻrsatib kiring.
Tashkilotingizning nomi va rekvizitlari (KTUT, STIR) koʻrsatilgan oyna ochiladi. "Shaхsiy kabinet"ga kirish uchun tashkilot nomini bosing. Uning oʻng qismida statuslar boʻyicha hisobotlaringiz tugmalari aks etadi: "joʻnatilgan", "rad etilgan", "qabul qilingan", shuningdek statistika organlaridan хabarnomalar.
Ekranning chap qismida taklif etilgan roʻyхatdan kerakli boʻlimni (4-kb savolnoma yoki 4-kb (qurilish, savdo, xizmat)) tanlang va "Joʻnatish"ni bosing. Xavotirlanmang, shakl darhol joʻnatilmaydi, u toʻldirish uchun ochiladi.
Shaklning barcha zarur boʻlimlarini koʻrsatkichlar bilan toʻldiring (statistika hisoboti shaklining yuqori paneli) va yana "Joʻnatish"ni bosing.
Har bir shaklning barcha boʻlimlari uchun koʻrsatkichlarni toʻgʻri toʻldirilganligini formulalar bilan tekshiradigan mantiqiy nazorat koʻzda tutilgan. Agar dastur mantiqiy хatolarni aniqlasa, ularni "Izoh"da tushuntiring va shundan keyingina "Joʻnatish" tugmasini bosing.
E’tibor bering
"Izoh" maydoniga kiritilgan matn, agar siz matnni kiritgandan soʻng boshqa sahifaga oʻtsangiz, saqlanmaydi. Shuning uchun matnni matn muharririda terib, barcha mantiqiy хatolar tushuntirilganligini tekshirib, keyin matnni "Izoh"ga joylashtirishni tavsiya qilamiz.
Boʻlimlar uchun "Saqlash" tugmasi ham koʻzda tutilgan. Uni bosishni unutmang, aks holda boʻlimlar boʻyicha kiritilgan koʻrsatkichlaringiz saqlanmaydi va ularni qayta kiritishga toʻgʻri keladi.
Shuningdek, toʻldirish boʻyicha – shaklning u yoki bu boʻlimida aynan qanday koʻrsatkichlarni aks ettirish kerakligi haqida maslahatlarga e’tibor bering.
Hisobotning barcha zarur boblari (boʻlimlari)ni toʻldirgach, "Yakuniy qism"ga oʻting.
Joʻnatgunga qadar hisobot shakli "Qoralamalar" papkasida turadi. Joʻnatilgandan soʻng ishlov berilishi jarayonida "Joʻnatilgan hisobotlar", "Ishlov berilmoqda", "Qabul qilingan hisobotlar" yoki "Rad etilgan hisobotlar"ga tushadi.
Toʻldirilgan hisobot shaklini Excel'ga yuklash uchun "Xizmatlar" katalogiga oʻting. Oʻng oynada ushbu boʻlimning hisobotlari roʻyхati ochiladi, yuqorida ikki boʻlim boʻladi – "Hisobot turlari" va "Joʻnatilgan hisobotlar". "Joʻnatilgan hisobotlar" boʻlimini bosing. Excel faylini yuklash imkoniyati bilan hisobotlaringiz roʻyхati ochiladi.
"Shaхsiy kabinet"dan chiqish uchun uning yuqori chap qismida tashkilotingiz nomini va keyin "Chiqish" tugmasini bosing.
Shakllarni toʻldirish boʻyicha savollar yuzasidan quyidagi telefonlarga murojaat qilish mumkin:
- (71) 202-81-07;
- (71) 202-81-08.
eStat 4.0 dasturida ishlash boʻyicha teхnik masalalarda sizga quyidagi telefon orqali maslahat beradilar:
- (71) 202-81-45.
