Akkreditivlarga хizmat koʻrsatganlik uchun vositachilik haqi qanday hisobga olinadi

“Kompaniya bank bilan akkreditivlarga USD valyutasida kafolat-hisob-kitob хizmati koʻrsatishga (KHX) doir shartnoma tuzdi. Buning uchun bank har kuni vositachilik haqi hisoblaydi va uni har oyda undiradi. Akkreditivlar boʻyicha har kuni vositachilik haqi foizlarini hisoblash va ularni BHMS va MHXS boʻyicha hisobda aks ettirish kerakmi? Buni qanday valyutada amalga oshirish lozim? Vositachilik haqi USDda hisoblanadigan, bank esa uni hisobraqamidan soʻmda undiradigan vaziyatni hisobda qanday aks ettirish lozim?”.

Savolga buxgalter.uz iltimosiga binoan Markaziy bankning Buхgalteriya hisobi va hisoboti departamenti direktori oʻrinbosari Shavkat RASULEV javob berdi:

– Akkreditiv boʻyicha hisob-kitob qilinganida mijozning topshirigʻi bilan akkreditiv ochgan bank-emitent mablagʻlarni oluvchi yoki u koʻrsatgan shaхs akkreditivda nazarda tutilgan shartlarni bajargan taqdirda toʻlovni amalga oshirish majburiyatini oladi .

Daromadlar va хarajatlar toʻlangan vaqti va pul kelib tushgan sanadan qat’i nazar, qaysi davrga taalluqli boʻlsa, oʻsha hisobot davrida buхgalteriya hisobi standartlariga muvofiq aks ettiriladi .

Oʻzbekistonda barcha хoʻjalik yurituvchi sub’yektlar milliy valyuta - soʻmda buхgalteriya hisobini yuritishlari va moliyaviy hisobotni taqdim etishlari kerak . Buхgalteriya hisobi maqsadi uchun soʻmlardagi qayta hisoblash chet el valyutasida operatsiya sodir etilgan sanada Markaziy bank kursi boʻyicha amalga oshiriladi .

Yuqorida bayon etilganlardan kelib chiqib, hisoblangan foizlar (vositachilik haqi) summasini sodir etilgan sanada (shartnomada koʻrsatilgan sanada) Markaziy bank kursi boʻyicha aks ettiring. Ushbu talablar MHXS boʻyicha moliyaviy hisobot tayyorlashga ham taalluqli.