Toʻlovchilarning qaysi toifalariga ijtimoiy soliq 6 baravar kamaytirildi

Yakka tartibdagi tadbirkorlar oʻz xodimlari uchun (cavdo majmualari va bozorlarda faoliyatni amalga oshirayotgan  YaTTlardan tashqari) toʻlashi lozim boʻlgan har yilgi ijtimoiy soliq mikdori BHMning 6 baravaridan BHMning 1 baravarigacha miqdorga kamaytirilmoqda. Bu 16.06.2023 yildagi OʻRQ-847-son Qonunda nazarda tutilgan.

Shu hujjat bilan “Tomorqa xoʻjaligi toʻgʻrisida”gi Qonunga – ijtimoiy soliqni hisoblab chiqarish qismida oʻzgartirishlar kiritildi.

Shaxsiy tomorqa yer uchastkasida band boʻlgan yoki mazkur maydonda:

– chorvachilik;

– issiqxona xoʻjaligi;

– parrandachilik;

– quyonchilik;

– asalarichilik;

– baliqchilik;

– bogʻdorchilik;

– limonchilik;

– gulchilik bilan shugʻullanayotgan:

• shaxsiy tomorqa yer uchastkasining egasi;
• shaxsiy tomorqa yer uchastkasida band uning oila a’zolari;
• fuqarolar – ularga tegishli tomorqa yer uchastkasining maydonidan yoki ular tomonidan parvarish qilinayotgan uy hayvonlari va parrandalarning sonidan qat’i nazar, mehnat stajini hisoblab chiqarish uchun ixtiyoriy asosda ijtimoiy soliq toʻlashi mumkin.

OʻRQ-681-son Qonunning ilgarigi tahririda quyidagilar mehnat stajini hisoblab chiqarish uchun ixtiyoriy asosda ijtimoiy soliq toʻlashning sharti boʻlgan:

1) kamida 0,04 gektar yer uchastkasi;

2) qoramol yoxud 50 boshdan kam boʻlmagan xonaki parranda.

Hujjat 2023 yil 17 iyundan kuchga kirdi.

Saida JONIZOQOVA tayyorladi