Boshqa soliq turiga majburiy oʻtishda qanday hisobotni topshirish kerak

“2023 yilning iyun oyida jami daromad 1 mlrd soʻmdan oshdi, shu bois SKning 462-moddasiga muvofiq biz QQS toʻlashga oʻtdik. Biz iyun oyi uchun qanday hisobotni topshirishimiz kerak – aylanmadan olinadigan soliq boʻyichami yoki QQS boʻyichami?”.

Vaziyatni Soliq qoʻmitasida tushuntirishdi:

– 2023 yilning iyun oyiga qadar siz aylanmadan olinadigan soliq boʻyicha hisobotlar topshirgansiz, iyun oyidan keyin esa faqat QQS boʻyicha hisobotlar topshirasiz. 2023 yilning iyun oyi – bu siz aylanmadan olinadigan soliq boʻyicha hamda QQS boʻyicha – 2 ta hisobot topshirishingiz kerak boʻlgan yagona oy.

Soliq toʻlovchining shaхsiy kabinetida soliq hisoboti shakllarini ochgan holda, siz:

1) QQSga oʻtish sanasigacha amalga oshirilgan operatsiyalar, rasmiylashtirilgan EHF va onlayn-NKT cheki summasi aylanmadan olinadigan soliq boʻyicha hisobotda aks ettirilishini;
2) QQSga majburiy oʻtish sanasidan keyin amalga oshirilgan operatsiyalar QQS boʻyicha hisobotda avtomatik ravishda aks ettirilishini koʻrasiz.

Manbaga qarang.