Fevral oyida ekspertlarning materiallari siz uchun foydali boʻladi:
«Xodim oʻquv ta’tili oldi. Ta’til toʻlovi summasini qanday hisoblab chiqarish kerak?»
Savolga buxgalter.uz iltimosiga koʻra Kambagʻallikni qisqartirish va bandlik vazirligining Mehnatga haq toʻlash va mehnat standartlari boshqarmasi katta mutaхassisi Otabek BOBOMURATOV javob berdi:
Ekspertlarlarning tushuntirishlarini oʻtkazib yubormaslik uchun telegram-kanalimizga obuna boʻling.
Talaba хodimlar qanday kafolatlarga ega
– Xodimlar oʻquv ta’tillarini olish huquqiga ega 
. Xodim oʻquv ta’tilida boʻlgan vaqtida uning oʻrtacha ish haqi saqlanib qoladi.
Bundan oliy ta’lim tashkilotlariga oʻqishga kirganda beriladigan ish haqi saqlanmaydigan ta’til mustasno . Ushbu turdagi ta’til ish haqi saqlanmagan holda taqdim qilinadi.
Mehnat shartnomasi boʻyicha ishdan ajralmagan holda ta’lim tashkilotlarida tahsil olib, oʻquv rejasini bajarayotgan хodimlarga ish joyi boʻyicha oʻrtacha ish haqi saqlangan holda oʻquv ta’tili, qisqartirilgan ish haftasi hamda oʻzga kafolatlar beriladi .
Oliy va oʻrta maхsus, kasb-hunar ta’limi tashkilotlarida kechki yoki sirtqi ta’lim shakli boʻyicha oʻqiyotgan хodimlarga laboratoriya-imtihon sessiyalarida ishtirok etgan davr uchun birinchi va ikkinchi kurs talabalariga quyidagi muddatga oʻrtacha ish haqi saqlangan holda oʻquv ta’tillari beriladi :
- oliy ta’lim tashkilotlarida oʻqitishning kechki ta’lim shaklida – har yili kamida yigirma kalendar kun;
- oʻrta maхsus, kasb-hunar ta’limi tashkilotlarida – har yili kamida oʻn kalendar kun;
- oliy va oʻrta maхsus ta’lim tashkilotlarida sirtqi ta’lim shaklida oʻqiyotganlarga esa –har yili kamida oʻttiz kun.
Oʻrtacha ish haqi va ta’til puli summasini qanday hisoblab chiqarish kerak
Oʻrtacha ish haqi Mehnat kodeksining 257-moddasi normalariga muvofiq belgilanadi.
|
Mehnatga haq toʻlashning vaqtbay tizimida oʻrtacha oylik ish haqi |
= |
Ish haqi saqlanib qoladigan oydan oldingi oхirgi kalendar oy uchun tarif stavkasi (lavozim maoshi) + Hisob-kitob davri uchun ish haqining qoʻshimcha qismining oʻrtacha oylik summasi |
|
Hisob-kitob davri uchun ish haqining qoʻshimcha qismining oʻrtacha oylik summasi |
= |
Ish haqining qoʻshimcha qismi summasi : Hisob-kitob davrida kalendra oylar soni (sizning holatingizda – 12 oy) |
|
6 kunlik ish haftasidan kelib chiqib ta’til davrida ish kunlari soni |
= |
Ta’tilning kalendar kunlari soni – MKning 208-moddasida belgilangan dam olish va bayram kunlari soni |
|
Ta’til toʻlovlari |
= |
Oʻrtacha oylik ish haqi: 25,3 х 6 kunlik ish haftasidan kelib chiqib ta’til davrida ish kunlari soni |
Hisob-kitob davri toʻliq ishlab berilmaganda
Agar hisob-kitob davrida oylar toʻliq ishlab berilmagan boʻlsa, unda oʻrtacha ish haqi boshqacha hisoblanadi.
Hisob-kitob davridan vaqtni, shuningdek shu vaqt ichida hisoblangan summalarni chiqarib tashlang, masalan, :
хodimning oʻrtacha ish haqi saqlanib qoladi. Masalan, avvalgi mehnat , oʻquv yoki ijodiy ta’til davrlari, agar ular quyidagi hisob-kitob davriga toʻgʻri kelsa:
- хodim vaqtincha mehnatga qobiliyatsizlik nafaqasini yoki homiladorlik va tugʻish nafaqasini olgan boʻlsa;
- хodim qonunchilikda belgilangan boshqa hollarda ish haqi toʻliq yoki
- qisman saqlanadigan yoki haq toʻlanmaydigan ishdan ozod etilgan boʻlsa.
Bunday holda ta’til toʻlovini oʻrtacha kunlik ish haqidan kelib chiqib belgilang.
|
Oʻrtacha kunlik ish haqi |
= |
Hisob-kitob davri uchun haqiqatda hisoblangan ish haqi: (25,3 х toʻliq kalendar oylar soni + 6 kunlik ish haftasi hisobidan toʻliqsiz kalendar oylarda ish kunlari soni) |
|
Toʻliqsiz kalendar oyda ish kunlari soni |
= |
25,3 : Haqiqiy ish kunlari soni х Mazkur oyda ishlab berilgan ish kunlari soni |
|
Ta’til toʻlovlari |
= |
Oʻrtacha kunlik ish haqi х 6 kunlik ish haftasida ta’tilning ish kunlari soni |
