15 oktyabr

• 2023 yilning IV choragi uchun jami daromadi joriy soliq davridan oldingi soliq davri uchun kiritilgan tuzatishlar hisobga olingan holda 10 mlrd soʻmdan oshadigan soliq toʻlovchilar tomonidan foyda soligʻi boʻyicha boʻnak toʻlovlari summasi toʻgʻrisidagi ma’lumotnomani taqdim etishning SOʻNGGI KUNI;

• 2023 yil sentyabr oyi uchun JShDS va ijtimoiy soliq boʻyicha soliq hisobotini taqdim etish va soliqlarni toʻlashning SOʻNGGI KUNI. JShDS jismoniy shaхsga daromadlarni toʻlash bilan bir vaqtda, biroq soliq hisoboti taqdim etiladigan muddatdan kechiktirmay toʻlanadi;

• 2023 yil oktyabr oyi uchun qat’iy miqdorda belgilangan JShDSni toʻlashning SOʻNGGI KUNI. Soliq toʻlovchilar qat’iy belgilangan miqdorda JShDS toʻlashni ular tadbirkorlik sub’yekti sifatida davlat roʻyхatidan oʻtkazilgan yoki yakka tartibdagi tadbirkor yoхud oilaviy tadbirkorlik sub’yekti bilan mehnat shartnomasi tuzilgan oydan keyingi oydan e’tiboran amalga oshiradi.

• 2023 yil sentyabr oyi uchun aylanmadan olinadigan soliq hisob-kitobini taqdim etish va soliqni (shu jumladan qat’iy belgilangan summada) toʻlashning SOʻNGGI KUNI (hisobotni taqdim etishdan ozod qilingan, qat’iy belgilangan summada aylanmadan olinadigan soliqni toʻlovchilar bundan mustasno) (16 oktyabr, sababi 15 oktyabr – yakshanba kuni)*.