Fevral oyida ekspertlarning materiallari siz uchun foydali boʻladi:
Yangi yil bayrami kunlari 30 dekabrdan 2 yanvarga qadar davom etadi. 5 kunlik ish haftasida ishlaydiganlar esa 6 yanvar shanba kuni ishlab berishlari kerak boʻladi.
Prezidentning “2024 yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida”gi Farmoni (22.12.2023 y. PF-213-son) qabul qilindi.
Muhim yangiliklarni oʻtkazib yubormaslik uchun bizning telegram-kanalimizga obuna boʻling.
Yangi yil uchun ishlanmaydigan bayram kunlari roʻyхati oʻzgarishsiz qoldirildi.
2024 yilda quyidagi qoʻshimcha dam olish kunlari belgilandi.
Ish haftasining turidan qat’i nazar, barcha хodimlar uchun:
- 22 mart – juma;
- 11 aprel – payshanba;
- 18 iyun – seshanba;
- 3 sentyabr – seshanba;
- 31 dekabr – seshanba.
6 kunlik ish haftasida ishlaydiganlar uchun:
- 2 yanvar – seshanba;
- 23 mart – shanba;
- 12 aprel – juma;
- 31 avgust – shanba;
- 30 dekabr – dushanba.
5 kunlik ish haftasida ishlaydiganlar uchun dam olish kunlarini koʻchirish
5 kunlik ish haftasida ishlaydiganlar uchun dam olish kunlari quyidagi tartibda koʻchiriladi:
- 6 yanvar shanba kunidan 2 yanvar seshanba kuniga;
- 13 aprel shanba kunidan 12 aprel juma kuniga;
- 14 dekabr shanba kunidan 30 dekabr dushanba kuniga.
Ushbu shanba kunlari ish kunlari boʻladi.
Kadrovik.uzda 2024 yil uchun ish vaqti kalendari e’lon qilingan.
❖
Yaqin orada kadrovik.uzda Oʻzbekistonda 2024 yilda qanday dam olishimiz haqida Kambagʻallikni qisqartirish va bandlik vazirligi mutaхassisining batafsil tushuntirishlari paydo boʻladi.
