2024 yilda aksiz soligʻidagi oʻzgarishlar

28.12.2023 yildagi OʻRQ-891-son Qonuni aksiz soligʻi stavkalarini indeksladi va gazlangan shakarli ichimliklar va energyetiklarga aksiz soligʻini joriy qildi.

2024 yilda aksiz soligʻi stavkalari 3 bosqichda indeksatsiya qilinadi:

• 1 yanvardan:

– tamaki mahsulotlarini ishlab chiqarish (sigaralar, chilim (kalyan) uchun tamaki, chekiladigan tamaki, trubkali tamaki va boshqalar) – stavkalar 12%ga oshadi;
– oziq-ovqat хom ashyosidan rektifikatsiyalangan etil spirti, efiroaldegid fraksiyadan rektifikatsiyalangan teхnik etil spirti va etil spirtining bosh fraksiyasi – stavkalar 2 baravarga oshadi;
– alkogol mahsulotlari, shuningdek filtrli sigaretlar, filtrsiz sigaretlar, papiroslar, sigarillar (sigaretalar), bidi, kretek importi – stavkalar 5%ga kamayadi;

• 1 apreldan:

– neft mahsulotlari – stavkalar 12%ga oshadi. Bunda Ai-91 va undan yuqori oktan sonli benzin stavkalari 2023 yil darajasida saqlanib qoladi;

• 1 iyuldan:

– alkogol mahsulotlarini ishlab chiqarish – stavkalar 5%ga oshadi.

2024 yil 1 apreldan boshlab quyidagilarga aksiz soligʻi joriy qilinadi:

– tarkibida shakar yoki boshqa shirinlashtiruvchi yoki хushboʻylashtiruvchi moddalar boʻlgan hamda iste’mol qadogʻiga qadoqlangan gazlangan ichimliklar – 1 litri uchun 500 soʻm miqdorida;
– energetik va tetiklashtiruvchi ichimliklar – 1 litri uchun 2 000 soʻm miqdorida.