15 yanvar

• 2023 yilning IV choragi uchun I va II toifaga mansub sub’yektlar tomonidan atrof tabiiy muhitni ifloslantirganlik, chiqindilarni joylashtirganlik uchun kompensatsiya toʻlovi hisob-kitobini ularni joylashtirish joyidagi ekologiya va atrof muhitni muhofaza qilish organlariga taqdim etishning SOʻNGGI KUNI.

Kompensatsiya toʻlovi hisob-kitobini taqdim etish muddatlari (12.04.2021 y. 202-son VMQga 1-ilova 22-b.):

– I va II toifalarga mansub sub’yektlar – har chorakda bir marta, hisobot choragidan keyingi oyning 15-kunigacha;
– III va IV toifalarga mansub sub’yektlar – har yilda bir marta, hisobot yilidan keyingi yilning 25 yanvarigacha topshiradi.

• 2023 yil dekabr oyi uchun ShJBPH reyestrlarini taqdim etish va badallarni toʻlashning SOʻNGGI KUNI (21.12.2004 y. 595-son VMQga 1-ilova 16-b.).

• 2024 yil uchun suv yetkazib berishni amalga oshiruvchi yuridik shaхslar tomonidan vodoprovod tarmogʻiga suv resurslarining yer usti va yer osti manbalaridan kelib tushadigan suv hajmlarining nisbati toʻgʻrisidagi ma’lumotlarni taqdim etishning SOʻNGGI KUNI (SK 444-m. 3-q.) (14 yanvar yakshanba kunidan koʻchiriladi (SK 86-m. 6-q.)).

• 2024 yilning I choragi uchun jami daromadi joriy soliq davridan oldingi soliq davri uchun kiritilgan tuzatishlar hisobga olingan holda 10 mlrd soʻmdan oshadigan soliq toʻlovchilar tomonidan kutilayotgan hajmdan kelib chiqqan holda foyda soligʻi boʻyicha oylik boʻnak toʻlovlari toʻgʻrisidagi ma’lumotnomani taqdim etishning SOʻNGGI KUNI (SK 340-m. 8-q., SK 340-m. 11-q.).

2023 yil 5 sentyabrdan boshlab foyda soligʻi boʻyicha har oy boʻnak toʻlovlarini toʻlashi lozim boʻlgan tadbirkorlik sub’yektlari daromadining chegaraviy miqdori 5 mlrd soʻmdan 10 mlrd soʻmga oshiriladi (04.09.2023 y. PQ-292-son, 8-b. «v» k.b.).

• 2024 yil yanvar oyi uchun qat’iy miqdorda belgilangan JShDSni toʻlashning SOʻNGGI KUNI.

Soliq toʻlovchilar qat’iy belgilangan miqdorda JShDS toʻlashni ular tadbirkorlik sub’yekti sifatida davlat roʻyхatidan oʻtkazilgan yoki yakka tartibdagi tadbirkor yoхud oilaviy tadbirkorlik sub’yekti bilan mehnat shartnomasi tuzilgan oydan keyingi oydan e’tiboran amalga oshiradi (SK 392-m. 1–2-q.);