1 fevraldan ijtimoiy nafaqalar miqdori qanday oʻzgardi

Prezidentning 31.01.2024 yildagi PF-24 sonli Farmoni bilan 2024 yil 1 fevraldan boshlab pensiya va ijtimoiy nafaqalar miqdori oshirildi.

Endilikda quyidagi ijtimoiy ta’minot turlarining minimal miqdori oyiga 621 ming soʻmni (ilgari – 568 ming soʻm) tashkil etadi:

• zarur ish stajiga ega boʻlmagan keksa fuqarolarga nafaqa;
• qoʻshimcha toʻlovni hisobga olgan holda ish staji toʻliq boʻlmaganda yoshga doir pensiyaning eng kam miqdori;
• oʻzgalar parvarishiga muhtoj nogironligi boʻlgan 18 yoshgacha bolalarning parvarishi bilan band boʻlgan bolaning qonuniy vakiliga nafaqa;
• boquvchisini yoʻqotganlik nafaqasi oluvchilarning bir nafar mehnatga qobiliyatsiz oila a’zosi uchun nafaqa. Keyingi har bir mehnatga qobiliyatsiz oila a’zosi uchun — 212 000 soʻm;
• boquvchisini yoʻqotganlik pensiyasi oluvchilarning bir nafar mehnatga qobiliyatsiz oila a’zosi uchun pensiyaning eng kam miqdori.

Manba