JShDS va ijtimoiy soliq hisob-kitobini toʻldirish qoidalarida nima oʻzgardi

Soliq qoʻmitasi soliq agentlari uchun JShDS boʻyicha soliq hisobotini toʻldirish qismida tushuntirishni e’lon qildi. Hisob-kitobda hisoblangan JShDS summasi va хodimlar kesimida hisoblangan JShDS summasi oʻrtasidagi ogʻishlarning oldini olish uchun soliq organlari tekshirish shartini qoʻshishdi.

Tafsilotlar – buxgalter.uz saytida:

Sizda quyidagi summalar muvofiq kelishi kerak:

1) Mehnatga haq toʻlash tarzidagi daromadlardan olinadigan JShDS (Hisob-kitobga 4-ilovaning 13-ustuni) + mehnatga haq toʻlash bilan bogʻliq boʻlmagan daromadlardan olinadigan JShDS (5-ilovaning 8-ustuni) + kasanachilik faoliyatidan olingan daromadlardan JShDS (Hisob-kitobga 7-ilovaning 9-ustuni);

va

2) Xodimlar soni 25 nafardan ortiq boʻlgan filiallar va alohida boʻlinmalarga toʻgʻri keladigan JShDS (Hisob-kitobning 061-satri 7-ustuni) + mol-mulkni ijaraga berishdan olingan daromadlardan JShDS (Hisob-kitobning 070-satri 7-ustuni) + ShJBPHga badallarni hisobga olgan holda byudjetga toʻlanishi lozim boʻlgan JShDSning umumiy summasi (Hisob-kitobning 090-satri 7-8-ustunlari).

Manbaga qarang.

Eslatib oʻtamiz, ilgari biz JShDS va ijtimoiy soliq hisob-kitobi shaklidagi oʻzgarishlar haqida yozgan edik. Ammo keyinroq Soliq qoʻmitasi hisobotni toʻldirishning avvalgi tartibiga muvofiq keladigan Hisob-kitobni toʻldirish boʻyicha yoʻriqnomani e’lon qildi. Va keyingi хabarlarni e’tibor bilan kuzatib borishni tavsiya etdi.