Buxgalterning barqarorlik reytingi

Oʻzbekistonda raqamlashtirishning ilk davrida buxgalter boʻlib ishlamagan boʻlsangiz, surunkali stress haqida nimani ham bilardingiz... Tan oling, soʻnggi ikki-uch yilda shaxsan sizga ishni eplab ketish uchun nima yordam berdi? Hatto siz hech narsa yordam bermadi deb hisoblasangiz ham, keling, baribir sizning shaxsiy ichki barqarorlik reytingingizni aniqlashga harakat qilaylik. Balki hammasining sababi shunda boʻlishi mumkin!

Agar 100 ball toʻplasangiz, demak, siz – haqiqiy xazina va yangiliklardan toʻliq foydalanishga erishgansiz! Shunday qilib...

E’tibor bering:

 Test quyidagi maxsus holatlarni hisobga olmaydi:

• Soliq yoki moliyaviy hisobotni yuborish jarayonida serverlarning ishdan chiqishi.
• TETKdan oʻtgan oy uchun hisobvaraq-fakturani 17 sanada olish.
• Soliq idorasining juma kuni kechqurun toʻsatdan kelishi.
• Benzinni tonnalarda kirim qilish zarurati.
• Hujjatlar bilan ishlashning yoʻlga qoʻyilgan tizimini qayta qurish va jihoz sotib olish talab qilinadigan navbatdagi majburiy yagona elektron tizimning toʻsatdan joriy etilishi.

Buxgalterning barqarorlik reytingi

(maksimal 100 ball)

1. «Soliq auditi» soʻziga reaksiya (15 ballgacha)

• Xotirjam ishlashni davom ettiradi (+15)
• Xotirjam ishlashni davom ettiradi, lekin konyak xarid qilib qoʻygan (+10)
• Xatolarni shoshib izlay boshlaydi (+5)
• Hushidan ketadi yoki stol tagiga yashirinishga urinadi (0)

2. Qahva ichish tezligi (10 ballgacha)

• Kuniga 1–2 finjon (+10)
• 3–5 finjon (+7)
• Qahva mashinasi toʻxtovsiz ishlaydi (+3)
• Choy bor piyolaga toʻgʻridan-toʻgʻri qahva damladi (0)

3. Ish stolining holati (10 ballgacha)

• Mukammal tartib (+10)
• Nazorat ostidagi ijodiy tartibsizlik (+7)
• Hujjatlarning arxeologik qatlamlari, koʻchki xavfi yuqori (+3)
• Hujjatlar oʻz ekotizimini hosil qilgan (0)

4. Excel bilan munosabatlar (15 ballgacha)

• Formulalarni mohirona egallagan (+15)
• Vaqti-vaqti bilan Excelni ishdan boʻshatish bilan tahdid qiladi (+10)
• Excel bilan tirik mavjudot kabi gaplashadi (+5)
• Excel shaxsiy dushmanlar roʻyxatiga kiritilgan (0)

5. Bir soʻmlik xatoni izlashdagi xulq-atvor (15 ballgacha)

• Barcha oʻtkazmalarni puxta tekshiradi (+15)
• Hamkasblarni yordamga chaqiradi (+10)
• Qahva quyqasi va katta arkanlarda fol ochishni boshlaydi (+5)
• Soʻmga qonli qasos e’lon qiladi (0)

6. «... yilgi hujjatlar qayerda?» degan savolga reaksiya (15 ballgacha)

• Xotirjam arxivdan oladi (+15)
• Shkaflardan asabiy izlay boshlaydi (+10)
• Oqarib ketadi va asrni aniqlashtirishni soʻraydi (+5)
• Kasallik varaqasiga chiqadi (0)

7. Belgilangan muddatlarga munosabat (10 ballgacha)

• Hammasini oldindan topshiradi (+10)
• Vaqtida, lekin oxirgi daqiqalarda topshiradi (+7)
• «Yaxshi yonayotgan dedlayn zerikarli ofisni elektr tokidan yomon yoritmaydi» tamoyili boʻyicha yashaydi (+3)
• Belgilangan muddat – bu ishni boshlash nuqtasi deb chin dildan ishonadi (0)

8. Ish kuni oxirida soch turmagini tartibli saqlash qobiliyati (10 ballgacha)

• Pinterest dagi uslub belgisi kabi koʻrinadi (+10)
• «Bahorgi shabada» uslubidagi yengil badiiy toʻzgʻish (+7)
• «Onamning matematigiman» sochi (+3)
• Eynshteyn havas qilgan boʻlardi (0)

Natijalar talqini: 

 A: 80–100 ball: Buxgalter-faylasuf. Soliq raqamlashtirishi yutuqlari bilan tengsiz jangda xotirjamlikni saqlay oladi.

 B: 60–79 ball: Tajribali jangchi. Stresslarga chidamli, lekin ba’zida quchoqlash va shokoladga muhtoj.

S: 40–59 ball: Xavf zonasida. Ta’til koʻrinishidagi shoshilinch profilaktika talab etiladi.

D: 0–39 ball: Tang holat. Telefon oʻchirilgan holda, afzal ravishda dengiz boʻyida uzoq reabilitatsiya kursi zarur.