SK-2025: IT-park rezidentlari uchun imtiyozlar uzaytirildi

24.12.2024 yildagi OʻRQ-1014-son Qonun IT-park rezidentlari uchun soliq imtiyozlarini uzaytirdi.

Batafsil – bizning sharhimizda:

Iqtisodiyot va moliya vazirligi Soliq va bojxona siyosati boshqarmasi boshligʻi Umid HAMROYeV buxgalter.uz iltimosiga koʻra tushuntirish berdi: 2028 yil 1 yanvardan 2040 yil 1 yanvargacha Dasturiy mahsulotlar va axborot texnologiyalari texnologik parki (IT-park) rezidentlari uchun soliq imtiyozlari (QQS bundan mustasno) uzaytirildi.

Imtiyozlar quyidagi mezonlardan biriga mos keladigan yuridik shaxslar uchun qoʻllaniladi:

• IT-park rezidentlariga ruxsat etilgan faoliyat turlari boʻyicha eksport hajmi taqvim yili davomida jami daromadning 50 foizidan ortiqni tashkil etadi  ;
• IT-ta’lim xizmatlarini koʻrsatishda 18 yoshdan katta bitiruvchilarning 50 foizi taqvim yili davomida IT-park rezidenti boʻlgan eksportyor korxonalarga ishga joylashgan.

Eslatib oʻtamiz, 2028 yil 1 yanvargacha IT-park rezidentlari muvofiq quyidagilardan ozod etilgan :

• barcha turdagi soliqlar va davlat maqsadli jamgʻarmalariga majburiy ajratmalar, shuningdek ijtimoiy soliqdan. QQS boʻyicha imtiyozga muvofiq respublika norezidentlaridan axborot texnologiyalari sohasidagi xizmatlarni xarid qilishda ham qoʻllaniladi ;
• Oʻzbekistonda ishlab chiqarilmaydigan, oʻz ehtiyojlari uchun olib kiriladigan uskunalar, butlovchi qismlar, detallar, uzellar, texnologik hujjatlar, dasturiy ta’minot uchun bojxona toʻlovlaridan (bojxona yigʻimlaridan tashqari) tasdiqlangan roʻyxatlar boʻyicha.

IT-park rezidentlari bilan mehnat shartnomalari boʻyicha xodimlar tomonidan 2028 yil 1 yanvargacha olingan mehnatga haq toʻlash tarzidagi daromadlar :

• JShDS boʻyicha 7,5 foizlik qat’iy stavka bilan soliqqa tortiladi;
• soliqqa tortish maqsadlarida aniqlanadigan jismoniy shaxslarning yillik jami daromadiga kiritilmaydi.