Fevral oyida ekspertlarning materiallari siz uchun foydali boʻladi:
24.12.2024 yildagi OʻRQ-1014-son Qonun qat’iy stavkadagi JShDSni indeksatsiya qildi va ularni muayyan oraliqda belgiladi.
Yangi kiritilgan oʻzgarishlar mantigʻini buxgalter.uz iltimosiga koʻra Iqtisodiyot va moliya vazirligi Soliq va bojхona siyosati boshqarmasi boshligʻi Umid HAMROYeV tushuntirib berdi:
E’tibor bering
Idoralar mutaхassislarining muhim tushuntirishlarini oʻtkazib yubormaslik uchun Telegram-kanalimizga obuna boʻling.
– 2025 yil 1 yanvardan qat’iy belgilangan miqdorda soliq toʻlaydigan yakka tartibdagi tadbirkorlar (YaTT) uchun JShDS stavkalari indeksatsiya qilinadi. Bunda ular minimal va maksimal miqdorlar oraligʻida belgilanadi. Stavkalarning aniq miqdorini Qoraqalpogʻiston Respublikasi Joʻqorgʻi Kengesi, viloyatlar va Toshkent shahar хalq deputatlari Kengashlari tuman va shaharlarning iqtisodiy rivojlanish darajasidan kelib chiqib belgilaydi 
.
Masalan, Fargʻona viloyatining Margʻilon va Qoʻqon shaharlaridagi iqtisodiy sharoitlar viloyat markazi - Fargʻona shahridagi kabi hisoblangan.
Ammo Margʻilon va Qoʻqonda oziq-ovqat va nooziq-ovqat mahsulotlari bilan chakana savdo qiluvchi 2024 yilda oyiga 363 000 soʻm miqdorida soliq toʻlagan. Fargʻonada esa shunday faoliyat bilan shugʻullanuvchi YaTT oyiga 726 000 soʻm toʻlagan.
Stavkalar oraligʻining belgilanishi natijasida Fargʻona viloyati хalq deputatlari Kengashi Margʻilon yoki Qoʻqonda ishlaydigan YaTTlarga Fargʻonadagi YaTTlar uchun belgilangan soliq stavkasini qoʻllash huquqiga ega boʻladi.
