Asossiz undirilgan jarimalar uchun tadbirkorlarga foizlar toʻlanadi

28 iyungacha QHTBTda moliyaviy sanksiyalar va jarimalarni qoʻllash tartibini, ularga e’tiroz bildirish tartibini belgilaydigan, shuningdek asossiz undirilgan pul mablagʻlarini qaytarishni ta’minlaydigan ayrim qonunchilik hujjatlariga oʻzgartirishlar kiritish toʻgʻrisidagi qonun loyihasi muhokama qilinmoqda.

U asossiz undirishning har kalendar kuni uchun jarima summasidan foiz toʻlashni nazarda tutadi. Tafsilotlar – buxgalter.uz sharhida:

Gap quyidagi qonunlarga muvofiq sud tartibida belgilanadigan jarimalar haqida ketmoqda:

• 25.02.2021 yildagi OʻRQ-677-son «Auditorlik faoliyati toʻgʻrisida»;
• 30.08.2001 yildagi 267-II-son «Tovar belgilari, хizmat koʻrsatish belgilari va tovarlar kelib chiqqan joy nomlari toʻgʻrisida»;
• 06.05.1994 yildagi 1062-XII-son «Iхtirolar, foydali modellar va sanoat namunalari toʻgʻrisida»;
• 18.09.2006 yildagi OʻRQ-51-son «Firma nomlari toʻgʻrisida»;
• 26.12.1997 yildagi 543-I-son «Oʻsimliklar dunyosini muhofaza qilish va ulardan foydalanish toʻgʻrisida»;
• 14.07.2021 yildagi OʻRQ-701-son «Litsenziyalash, ruхsat berish va хabardor qilish tartib-taomillari toʻgʻrisida»;
• 07.06.2022 yildagi OʻRQ-776-son «Reklama toʻgʻrisida»;
• 03.11.2022 yildagi OʻRQ-800-son «Standartlashtirish toʻgʻrisida»;
• 27.02.2023 yildagi OʻRQ-819-son «Teхnik tartibga solish toʻgʻrisida»;
• 03.07.2023 yildagi OʻRQ-850-son «Raqobat toʻgʻrisida»;
• 07.08.2024 yildagi OʻRQ-940-son «Energiya tejash, undan oqilona foydalanish va energiya samaradorligini oshirish toʻgʻrisida»;
• 07.08.2024 yildagi OʻRQ-939-son «Elektr energetikasi toʻgʻrisida».

Foizlar miqdori pul majburiyatini yoki uning tegishli qismini bajarish sanasida amal qilayotgan MBning asosiy stavkasiga bogʻlab belgilanadi. Oʻz tilaklarini ishlab chiquvchilarga (nazariy jihatdan) loyihani muhokama qilish sahifasida qoldirish mumkin. Haqiqatda, bu hamisha ham amalga oshmaydi.