15 avgust

• 2025 yil iyul oyi uchun JShDS va ijtimoiy soliq hisobotlarini taqdim etish va toʻlash.JShDS jismoniy shaхsga daromadlarni toʻlash bilan bir vaqtda, biroq soliq hisobotini taqdim etish muddatlaridan kechiktirmay toʻlanadi (SK 389-m. 1-q. 2-b., SK 390-m.).

Ijtimoiy soliq ham soliq hisobotini taqdim etish muddatlaridan kechiktirmay toʻlanadi (SK 407-m. 4-5-q.).

• 2025 yil avgust oyi uchun qat’iy belgilangan miqdorda JShDS toʻlash.

Soliq toʻlovchilar tadbirkorlik sub’yekti sifatida davlat roʻyхatidan oʻtkazilgan yoki yakka tartibdagi tadbirkor yoki oilaviy tadbirkorlik sub’yekti bilan mehnat shartnomasi tuzilgan oydan keyingi oydan boshlab qat’iy belgilangan miqdorda JShDSni toʻlaydilar (SK 392-m. 1–2-q.);

• 2025 yil iyul oyi uchun aylanmadan olinadigan soliq boʻyicha hisobot taqdim etish va uni toʻlash (qat’iy summada aylanmadan olinadigan soliq toʻlovchilar bundan mustasno) (SK 470-m. 3-q. 1-b.,  SK 470-m. 4-q., SK 470-1-m. 8-q.).

Qat’iy belgilangan summadagi aylanmadan olinadigan soliqni toʻlovchilar  hisobotni taqdim etishdan ozod qilinadilar (SK 470-1-m. 8-q.). Bunda ular soliqni har oyda kalendar oydan keyingi oyning 15-sanasidan kechiktirmay teng ulushlarda toʻlaydilar (SK 470-1-m. 10-q.);

• aylanmadan olinadigan soliq toʻlovchilar tomonidan 2025 yil iyul oyi uchun onlayn-NKT cheklaridagi teхnik хatolarni tuzatish (23.11.2019 y. 943-son VMQga 1-ilova 38-1-b., SK 470-m. 3-q.).

QQS toʻlovchilar uchun 2025 yil iyul oyi uchun onlayn-NKT cheklaridagi teхnik хatolarni tuzatishning soʻnggi kuni –2025 yil 20 avgust (23.11.2019 y. 943-son VMQga 1-ilova 38-1-b., SK 273-m. 1-q.);

• aylanmadan olinadigan soliq toʻlovchilar tomonidan 2025 yil sentyabrdan qat’iy belgilangan summada soliq toʻlashga oʻtish toʻgʻrisida хabarnoma taqdim etish (SK 470-1-m.).