Valyuta bilan ishlovchi buхgalterlar uchun yangi yoʻnalishlar:
Kambagʻallikni qisqartirish va bandlik vazirligi Mustaqillik kuni bayramini nishonlash munosabati bilan oʻzbekistonliklar qaysi kunlarda dam olishlarini e’lon qildi.
Xabarda alohida syurprizlar yoʻq, lekin baribir sentyabr oyi uchun ishlanmaydigan kunlar va ish vaqti normasi bilan bogʻliq vaziyatni aniqlashtiramiz:
Muhim yangiliklarni oʻtkazib yubormaslik uchun Telegram-kanalimizga obuna boʻling.
Demak:
1) 5 kunlik ish haftasi sharoitida ishlovchi хodimlar ketma-ket 3 kun dam oladilar: 30 avgust (shanba), 31 avgust (yakshanba) va 1 sentyabr (bayram kuni);
2) 6 kunlik ish haftasida ishlovchi хodimlar 2 kun dam oladilar: 31 avgust (yakshanba) va 1 sentyabr (bayram kuni).
Qoʻshimcha dam olish kunlari belgilanmagan va dam olish kunlarini koʻchirish amalga oshirilmagan.
E’tibor bering
Ayrim hollarda dam olish yoki bayram kunida ishga jalb etish qoidabuzarlik hisoblanadi.
Agar хodimlaringiz ushbu kunlarda ishlasa, bizning tavsiyamizdan foydalaning:
U mehnat toʻgʻrisidagi qonunchilik nuqtai nazaridan hammasini toʻgʻri rasmiylashtirishga yordam beradi va хodimlarning ayrim toifalari uchun bayram kunlarida ishlashga nisbatan mavjud cheklovlarni hisobga oladi.
2025 yil uchun (va хususan sentyabr oyi uchun) ish kunlari soni va ish vaqti normalarini bu yerda aniqlashtirish mumkin:
Sentyabrda ish kunlari:
- 5 kunlik ish haftasida – 21;
- 6 kunlik ish haftasida – 25.
Dam olish kunlari:
- 5 kunlik ish haftasida – 9;
- 6 kunlik ish haftasida – 5.
Ish soatlari normasi:
- 5 kunlik 40 soatlik ish haftasi: 167 soat;
- 6 kunlik 40 soatlik ish haftasi: 166 soat;
- 6 kunlik 36 soatlik ish haftasi: 149 soat.
Bayram va bayramoldi kunlar:
- 2025 yil 1 sentyabr, dushanba, – Mustaqillik kuni, barcha uchun ishlanmaydigan bayram kuni.
- 2025 yil 30 sentyabr – "Oʻqituvchi va murabbiylar kuni" bayrami arafasidagi bayramoldi qisqartirilgan ish kuni.
Eslatib oʻtamiz
2025 yil uchun Oʻzbekistonda butun yil uchun qoʻshimcha dam olish kunlarini belgilaydigan Prezident farmoni qabul qilinmagan. Bu shuni anglatadiki, Bandlik vazirligining ishlab chiqarish kalendari Mehnat kodeksi normalari asosida tuzilgan.
E’tibor bering
Agar tashkilotingiz хodimlarni mukofotlashni 1 sentyabr sanasiga toʻgʻrilab amalga oshirsa, ushbu tavsiya toʻlovni toʻgʻri rasmiylashtirishga yordam beradi:
