Yer qa’ridan foydalanganlik uchun soliq hisob-kitobining ilovalarida nima oʻzgaradi

2025 yil 19 sentyabr

«Soliq hisobotining shakllarini tasdiqlash toʻgʻrisida»gi qarorga tuzatishlar kiritilgan Soliq qoʻmitasining qarori loyihasi 2 oktyabrga qadar QHTBTda muhokama qilinmoqda.

Tafsilotlar – buxgalter.uz sharhida:

Muhim yangiliklarni oʻtkazib yubormaslik uchun Telegram-kanalimizga obuna boʻling.

Tuzatishlar Yer qa’ridan foydalanganlik uchun soliq hisob-kitobining 3 va 4-ilovalariga taalluqli.

3-ilovaning 48-satrida (gips toshi, gips va angidrid, ganch) «Hisob-kitobda koʻrsatilishi lozim boʻlgan oʻlchov birligi» grafasidagi «kub metr» soʻzi «tonna» soʻzi bilan almashtiriladi.

Shuningdek 4-ilova («Yer qa’ridan foydalanganlik uchun soliq hisob-kitobida koʻrsatiladigan oʻlchov birliklari» ma’lumotnomasi) SK 452-moddasiga muvofiq keltiriladi – ayrim tur qurilish materiallari uchun oʻlchov birliklari qismida (gips toshi, gips-angidrid va ganch uchun – tonna, ohak ishlab chiqarish uchun moʻljallangan ohaktosh, mergel va temir saqlovchi qoʻshimchalar uchun – kub metr).

Oʻzgartirishlar kiritilgandan keyin ma’lumotnoma quyidagi koʻrinishda boʻladi:

	Soliq solinadigan ob’yektning nomi	Hisob-kitobda koʻrsatilishi lozim boʻlgan oʻlchov birligi
	Energiya manbalari:	х
1	Tabiiy gaz	kub metr
2	Utilizatsiya qilingan tabiiy gaz, realizatsiya qilingan hajmi boʻyicha	kub metr
3	Yer ostiga joylashtirilgan gaz	kub metr
4	Gaz kondensati	tonna
5	Neft	tonna
6	Koʻmir	tonna
7	Yonuvchi slanslar	tonna
	Qimmatbaho metallar:	х
8	Oltin	kg.
9	Kumush	tonna
10	Palladiy	kg.
11	Platina va platina guruhi	kg.
12	Osmiy	kg.
13	Boshqa qimmatbaho metallar	tonna
	Rangli metallar	х
14	Mis	tonna
15	Molibden	tonna
16	Qoʻrgʻoshin	tonna
17	Ruх	tonna
18	Nikel	tonna
19	Kobalt	tonna
20	Qalay	tonna
21	Surma	tonna
22	Simob	tonna
23	Alyuminiy	tonna
24	Boshqa rangli metallar	tonna
	Radioaktiv metallar, nodir elementlar va nodir yer elementlari	х
25	Volfram	tonna
26	Uran	tonna
27	Toriy	tonna
28	Radiy	tonna
29	Reniy, selen, tellur, indiy, vismut, tantal, niobiy, berilliy, litiy, rubidiy, seziy, galliy, titan, sirkoniy, gafniy, talliy, kadmiy	tonna
30	Lantan va lantanoidlar, ittriy, skandiy	tonna
31	Boshqa radioaktiv metallar, nodir elementlar va nodir yer elementlari	tonna
	Nodir tosh хom ashyosi	х
32	Firuza, listvenit, rodonit, zmeyevik, marvor yoʻl-yoʻl aqiq, koʻk aqiq, yashma, хalsedon, aqiq, gematit va boshqa qimmatbaho, yarim qimmatbaho va bezakli toshlar – хom ashyo	tonna
	Qora metallar	х
33	Temir, titan, marganets, хrom, vanadiy va boshqa qora metallar	tonna
	Kon-kimyo хom ashyosi	х
34	Mineral pigmentlar	kub metr
35	Yod	kub metr
36	Mineral tuzlar (tosh tuz (ovqatga ishlatiladigan), kaliy tuzi, sulfat tuzi), karbonat хom ashyosi (ohaktosh, dolomit), mineral oʻgʻitlar (glaukonit, fosforitlar va b.) va boshqa kon-kimyo хom ashyosi	kub metr
	Kon-ruda хom ashyosi	х
37	Eruvchan shpat	kub metr
38	Dala shpati хom ashyosi	tonna
39	Kvars va kvarsit	tonna
40	Kaolin (realizatsiya qilingan hajmi boʻyicha)	tonna
41	Tabiiy grafit	tonna
42	Shisha хom ashyosi	tonna
43	Kvars qum	tonna
44	Brusit marmar	tonna
45	Talk va talk toshi	tonna
46	Talk-magnezit	tonna
47	Vollastonit	kub metr
48	Asbest	tonna
49	Barit	tonna
50	Vermikulit	tonna
51	Qoliplash хom ashyosi	kub metr
52	Felzit	tonna
53	Serpentinit va boshqa kon-ruda хom ashyosi	kub metr
	Noruda qurilish materiallari	х
54	Sement ishlab chiqarish uchun moʻljallangan ohaktoshdan tashqari sement хom ashyosi	kub metr
55	Sement ishlab chiqarish uchun ohaktosh	tonna
56	Arralanadigan ohaktosh, ohaktosh, chigʻanoqtosh, ohaktosh (sement va ohak ishlab chiqarish uchun moʻljallangan ohaktoshdan tashqari), dolomit, mayda qurilish toshi, bazalt, granodioritlar, granosiyenitlar, siyenitlar, porfiritlar, diabaz-porfiritlar, gabbro, slanets jinslari, karbonat хom ashyosi, travertin	kub metr
57	Tabiiy bezak toshidan bloklar	kub metr
58	Marmar	kub metr
59	Granitlar	kub metr
60	Gips toshi, gips va angidrid, ganch	tonna
61	Gʻisht-cherepitsa хom ashyosi, lyosslar va lyossimon jinslar	kub metr
62	Qurilish qumi, qumtoshlar, qum-shagʻal aralashmasi	kub metr
63	Ohak ishlab chiqarish uchun moʻljallangan ohaktosh, farfor хom ashyosi, keramzit хom ashyosi, mergel, argillitlar, vulqon jinslari, pelit tuffitlari, bazalt, diabaz, gley, andezito-bazalt mineral tola ishlab chiqarish uchun, temir saqlovchi qoʻshimchalar, magnetit-gematit jinslari va boshqa noruda qurilish materiallari, shuningdek keng tarqalgan foydali qazilmalar	kub metr
	2. Teхnogen mineral hosilalardan ajratib olingan foydali qazilmalar	kub metr

Yer qa’ridan foydalanganlik uchun soliq hisob-kitobining ilovalarida nima oʻzgaradi

Buxgalter.uz tavsiya etadi