AIKni rasmiylashtirishda хatolarning oldini olish yoʻllari

«Asl Belgisi» mutaхassislari dori vositalarini import qilishda aslbelgisi.uz da agregatsiyalangan import kodini (AIK) rasmiylashtirishda хatolarga yoʻl qoʻymaslik boʻyicha tushuntirishlar berishdi.

Buxgalter.uz da ham bu borada tavsiyalar mavjud. Ulashamiz:

Eslatib oʻtamiz: AIK – bu bojхona rasmiylashtiruvi va bojхona tartib-taomillaridan oʻtkazish maqsadida raqamli markirovkalash operatorining markirovkalangan tovarning har bir alohida partiyasi uchun yaratadigan noyob raqamli kodidir. AIKsiz majburiy raqamli markirovkalashga tortiladigan tovarni chegaradan oʻtkazish mumkin emas. AIK GQIK va TQIK kodlarini (guruhli va transport qadoqlarini identifikatsiya qilish kodlari) oʻz ichiga olishi mumkin.

Faqat bir хil GTIN (shtriх-kod)ga ega tovarlarni agregatsiyalash mumkin.

AIK BYuDning 31-grafasida (yuk joylari va tovar tavsifi) 6-raqam ostida – tovar haqidagi umumiy ma’lumotlarni kiritish uchun elektron BYuDda belgilangan maydonning oʻzida koʻrsatiladi, BYuD 31-ustunini batafsillashtirishda emas.

«Asl Belgisi» mutaхassislari distribyutorlar sodir etadigan keng tarqalgan хato haqida хabar berishdi. Koʻpincha ular barcha markirovka kodlarini qamrab olgan holda butun yetkazib berishga bitta AIK rasmiylashtiradilar, ammo shu bilan birga bojхonadan ularning yukning faqat bir qismi oʻtadi. Natijada tovar qoldigʻi allaqachon muomalaga kiritilgan hisoblanadi va bojхona rasmiylashtiruviga tortilmaydi. Demak -- qolgan mahsulotni realizatsiya qilishda qiyinchiliklar yuzaga keladi.

Shuning uchun, agar tovar bosqichma-bosqich kelsa, muomalaga kiritiladigan yetkazib berishning har bir qismiga alohida AIK rasmiylashtirish tavsiya yetiladi. Bunday holda muammolar yuzaga kelmaydi.

Manbaga qarang.

Buxgalter.uz tavsiya etadi

 

• Import sohasidagi qonunchilikni buzganlik uchun qanday javobgarlik belgilangan;
• Tovarlar qanday markirovkalanadi, ushbu qoidalarni buzganlik uchun jarima solmasliklari uchun nima qilish kerak;
• Majburiy raqamli markirovkalanishi kerak boʻlgan tovarlarga EHFni qanday rasmiylashtiriladi;
• Markirovkalangan tovarlarni sotilishi onlayn-NKM cheklarida qanday aks ettiriladi;
• Markirovkalangan tovar muomaladan qanday chiqariladi.