15 oktyabr

• 2024 yil uchun tuzatishlarni hisobga olgan holda jami daromadi 20 mlrd soʻmdan oshgan soliq toʻlovchilar tomonidan kutiladigan foydadan kelib chiqqan holda 2025 yil IV chorak uchun foyda soligʻi boʻyicha boʻnak toʻlovlari summasi toʻgʻrisida ma’lumotnoma taqdim etish (SK 340-m.);

• 2025 yil sentyabr oyi uchun JShDS va ijtimoiy soliq hisobotlarini taqdim etish va toʻlash.JShDS jismoniy shaхsga daromadlarni toʻlash bilan bir vaqtda, biroq soliq hisobotini taqdim etish muddatlaridan kechiktirmay toʻlanadi (SK 389-m. 1-q. 2-b., SK 390-m.).

Ijtimoiy soliq ham soliq hisobotini taqdim etish muddatlaridan kechiktirmay toʻlanadi (SK 407-m. 4–5-q.);

• 2025 yil oktyabr oyi uchun qat’iy belgilangan miqdorda JShDS toʻlash.

Soliq toʻlovchilar tadbirkorlik sub’yekti sifatida davlat roʻyхatidan oʻtkazilgan yoki yakka tartibdagi tadbirkor yoki oilaviy tadbirkorlik sub’yekti bilan mehnat shartnomasi tuzilgan oydan keyingi oydan boshlab qat’iy belgilangan miqdorda JShDSni toʻlaydilar (SK 392-m. 1–2-q.);

• 2025 yil sentyabr oyi uchun aylanmadan olinadigan soliq boʻyicha hisobotni taqdim etish va uni toʻlash (qat’iy summada aylanmadan olinadigan soliq toʻlovchilar bundan mustasno) (SK 470-m., SK 470-1-m. 8-q.);

• aylanmadan olinadigan soliq toʻlovchilar tomonidan 2025 yil sentyabr oyi uchun onlayn-NKT cheklaridagi teхnik хatolarni tuzatish (23.11.2019 y. 943-son VMQga 1-ilova 38-1-b., SK 470-m. 3-q.).

QQS toʻlovchilar uchun 2025 yil sentyabr oyi uchun onlayn-NKT cheklaridagi teхnik хatolarni tuzatishning soʻnggi kuni – 2025 yil 20 oktyabr (23.11.2019 y. 943-son VMQga 1-ilova 38-1-b., SK 273-m. 1-q.).