ЁММни ҳисобдан чиқариш ҳисобини қандай юритиш керак

Тавсияда:

– ЁММни сарфлаш меъёрларини аниқлаш ва ҳисобдан чиқариш ҳажмини тасдиқлаш;
– ЁММни ҳисобдан чиқаришнинг бухгалтерия ҳисоби;
– фойда солиғини ҳисоблашда ЁММ учун чегириб ташланмайдиган харажатлар;
– табиий камайиш туфайли ЁММни ҳисобдан чиқариш.

ЁММни сарфлаш меъёрларини қандай аниқлаш ва ҳисобдан чиқариш ҳажмини тасдиқлаш мумкин 

ЁММ корхона чиқими сифатида меъёрлар бўйича ҳисобдан чиқарилади. Автомобиль ҳаракатланувчи таркиб учун ёқилғи-мойлаш материаллари сарфи меъёрлари Ўзбекистон техник жиҳатдан тартибга солиш агентлиги томонидан тасдиқланган (28.07.2003 й. 05-20-сон қарор).

Сарфланган ЁММ ҳажми ҳужжатлар билан тасдиқланган бўлиши керак. Йўл варақаси автомобиль йўл босган километрлар учун ёқилғи сарфини тасдиқловчи асосий ҳужжат бўлиб ҳисобланади.

2024 йилда йўл варақаларининг қоғоз шаклидан фойдаланишни чекламасдан, босқичма-босқич электрон шаклга ўтиш бошланди. Тижорат асосида юк ва йўловчилар ташишда электрон йўл варақаларини расмийлаштириш ва юритиш тартиби Вақтинчалик низом билан белгиланган .

 Йўл варақаси бўлмаган автомобилларни йўналишга чиқариш тақиқланади. Бунда юк ташиш алоҳида фаолият тури ҳисобланмайдиган корхоналар ўзларининг юк ёки йўловчи ташувчи автотранспорт воситаларидан ўз эҳтиёжлари учун фойдаланганда ҳам йўл варақалари расмийлаштириши шарт.

Юк ташувчи корхоналар ҳайдовчига имзо қўйдириб, ҳар куни – бир иш куни (смена) учун қоғоз йўл варақасини олдинги иш куни учун берилган йўл варақасини топшириш шарти билан берадилар.

Агар ҳайдовчи бир суткадан...