Markirovkalangan tovarlar uchun yangi xavf mezoni ishga tushirildi

preview

Markirovkalangan tovarlar aylanmasini nazorat qilish tizimiga yangi tekshiruv vositasi joriy etildi: soliq organlari tovarlarni realizatsiya qilish toʻgʻrisidagi ma’lumotlarni rasmiylashtirilgan tovar-transport yuk xatlari bilan avtomatik tarzda solishtirishni boshladi.

E’tibor bering

Buxgalteriya yangiliklarini birinchilardan boʻlib bizning Telegram-kanalimizda oʻqing.

 

Soliq qoʻmitasi ma’lumotlariga koʻra, bugungi kunda rejalashtirilgan 40 ta xavf mezonidan 8 tasi ishga tushirildi. Ular yaroqlilik muddati oʻtganligi, kodlarning takrorlanishi va tasdiqlanmagan mahsulotlarning sotilishini qayd etadi.

Yangi mezon – mahsulotni sotishda tovar-transport yuk xatlarining (TTYuX) rasmiylashtirilishini tekshirish.

Avtomatlashtirilgan tizim markirovkalangan tovarlarni sotish boʻyicha ma’lumotlarni tovar-transport yuk xatidagi ma’lumotlar bilan solishtirib, soliq tekshiruvlarisiz tafovutlarni aniqlaydi.  

Ishga tushgan xavf mezonlari va «shubhali vaziyatlar» toʻgʻrisidagi ma’lumotlar   soliq toʻlovchining shaxsiy kabinetida aks ettiriladi («Xizmatlar» → «Raqamli markirovkalangan mahsulotlar aylanmasi tizimi» boʻlimi). Bu holda tadbirkorlik sub’yekti xabarnoma oladi.

Tadbirkorlik sub’yektlarining «Raqamli markirovkalash bilan ishlash» servisi orqali  murojaatlari soliq organlari (Hududlararo soliq inspeksiyasi) tomonidan 3 ish kuni mobaynida koʻrib chiqiladi. Bunda javob sifatini baholash koʻzda tutilgan boʻlib, past baholangan murojaatlar rahbariyatning alohida nazoratiga olinadi.

Eslatib oʻtamiz, soliqchilar markirovka boʻyicha savollaringizga «Yordam_markirovka» telegram-kanalida ham javob berishadi: https://t.me/+tnuhmbTK5X9jODUy

Tavsiya

Buxgalter PRO ekspertlari savdoda markirovkalangan mahsulotlar bilan ishlashda nimalarni hisobga olish kerakligini quyidagi tavsiyada batafsil tahlil qildilar:

– «Ulgurji va chakana savdo korxonalariga (shu jumladan dorixonalar va umumiy ovqatlanish korxonalari) raqamli markirovkalash qoidalarini buzganlik uchun jarima solinmasligi uchun nima qilish kerak»

Demo ruxsatini olish

 

 

 

Buxgalteriya hisobi va soliq solishga doir normativ hujjatlardagi yangi oʻzgarishlar Yangiliklar Yangiliklar /oz/publish/doc/text218329_markirovkalangan_tovarlar_uchun_yangi_havf_mezoni_ishga_tushirildi