Вам могут понадобиться в апреле:
Вазирлар Маҳкамасининг 22.04.2019 йилдаги 347-сон қарорига (шарҳга қаранг) мувофиқ, Бош прокуратура тузилмасида Айдар-Арнасой кўллар тизимини ривожлантириш соҳасида қонунчилик устидан назорат бошқармаси ташкил этилди. Бош прокуратура сайтида шу ҳақда хабар берилди.
Қуйидагилар устидан назорат олиб бориш бошқарманинг асосий вазифалари этиб белгиланди:
- балиқчилик тармоғини жадал ривожлантириш;
- инвестицияларни жалб қилиш;
- туризм инфратузилмасини ривожлантириш;
- сув ресурсларидан оқилона фойдаланиш.
Ушбу минтақадаги ўсимлик ва ҳайвонот дунёсини муҳофаза қилиш, ноқонуний бино ва иншоотларни қонунийлаштириш, атроф-муҳитини яхшилаш ҳам фаолият соҳасига киради.
Бош прокуратура ҳузуридаги Департаментда Айдар-Арнасой кўллар тизими ресурсларидан фойдаланиш соҳасида иқтисодий ҳуқуқбузарликларга қарши курашиш бўлими, ситуацион-таҳлил пунктлари ҳам ташкил этилди.
Ҳозирда янги бошқарма томонидан тизимда биологик ресурслардан фойдаланиш, биологик хилма-хилликни сақлаш, инвестицияларни кенг жалб қилиш, туризмни ривожлантириш ва янги иш ўринларини яратиш мақсадида комплекс чора-тадбирлар дастури ишлаб чиқилмоқда.
